Жүсіпбек Аймауытов
ЖЕТІМНІҢ ӨТІНІШІ
Әкем Мұхамедсадық Басқұдық елінің қазағы. Өлген соң мені бар мал-мүлкіммен
Жәлеладдин қолына алыпты. Әкемнің үлкен қызын Қабан Барадан баласына берген еді.
Жәлеладдин мені біраз ұстап 9 қара, біраз мүлкіммен жездем Қабанның қолына тапсырды.
Қабан жездей өз әкесінен бір өгіз алып, мені өзіне шеше қылып, әкесіне тигізді. Әкесі сол
кезде 64 жаста еді. Әрі балам, әрі жездем Қабанның әкесінің қолында қорлықпен үш жыл
өмір кешірдім. Аш-жалаңаш, қайғы, таяқтың зардабынан науқасты болдым. Жасым 17-ге
жеткенде есім кіріп, бой тоқтатып, 67-дегі шалдан құтылып, Алтыбай елінің қазағы
Иқанбай Қарсақбай баласына тидім. Артымнан Ислам Мұқатай баласы, Мүбарак Нұрғали
хазірет баласы баяғы Қабан жездем қуып келіп, менен 320 теңге ақша алып бітіп тынып,
қағаз беріп кетіп отыр. Қадірлі Жәлеладдин ақсақал, пікірлі Мұхтар ағай! Бастан-аяқ
жағдайымды білуші едіңіздер. Әкем өлгенде бірқыдыру мал-мүлкім қолдарыңызда қалған
екен. Одан бері де көрген қорлықтарым анау. Менің көз жасымды, жетім хақымды
көресіздер ме? Жоқ, басқа жерден іздеймін бе?
Достарыңызбен бөлісу: |
