Бейорганикалық тұтқыр заттардың фармакологиялық әсерлері

Бейорганикалық тұтқыр заттардың фармакологиялық әсерлері:

• 1) тұтқыр; бұл кезде аталған металлдардың тұздары аз концентрацияда тұтқыр, ал жоғары концентрацияда күйдіргіш әсер көрсетеді;
• 2) қабынуға қарсы; бұл әсер патологиялық процесс тудыратын рефлекстерді шектеумен байланысты;
• 3) ауыру сезімін басатын;
• 4) детоксикациялайтын.
• Қолдануға арналған көрсетімдер:
• ауыз қуысының сілемейлі қабатының қабынуында, әртүрлі генезді стоматиттерде, гингивиттерде шаю, шашу, жағу, себу арқылы қолданады.

• Күміс нитраты (ляпис) – 30%-дық ерітіндісін тістің қатты ұлпаларының гиперестезиясын емдеу үшін қолданады.
• Қатты ұлпалардың органикалық заттарымен қосылғанда қою альбуминаттар пайда болады. Сол альбуминаттар тістің ұлпаларын тітіркендіргіш заттардан қорғайды. Бұны қолданғанда тістер қара түске бояланады.
• Мыс сульфаты: гипертрофиялық гингивитті емдеу үшін антисептик және тұтқыр зат ретінде 5-10%-дық ерітіндісін клиникалық қалталарға аппликация жасайды.
• Висмуттың негізгі нитраты пульпиттерді емдеу үшін қолданатын пасталардың ішіне негізгі зат ретінде кіреді.
• Қорғасын ацетатын ауызды шаю үшін 0,25-0,5%-дық ерітіндісін қолданады.
• Мырыш тотығы – 30%-дық ерітіндісін тістің қатты ұлпаларының жоғары сезімталдығын жою үшін қолданады.