| Халқы: құрамы, ұлттың қалыптасуы, көші-қоны, орналасуы. АҚШ халқы жалпы саны жөнінен дүние жүзінде 3-орында. Соңғы жүз жыл ішінде ел халқы 3,5 есеге өсті. Табиғи өсім әсері халықтың механикалық өсіміне де аса зор ықпал етуде. Әсіресе америкалық ұлттың қалыптасуында жаппай иммиграция үлкен рөл атқарды. Қазіргі АҚШ халқы – америкалықтар, жергілікті жердің байырғы халқы мен келімсек еуропалықтар, сол сияқты Африкадан әкелінген негрлердің этникалық араласуы және т.б. этностардың қосылуы нәтижесінде пайда болған жас ұлт.
Елдің жер аумағын алғаш игеруді бастаған француздар мен испандар болса да, іле-шала британдықтар саяси билікті өз қолдарына алуына байланысты, қоңс аударушылардың негізін ағылшын, шотланд және ирландықтар құрады. Осы себепті ағылшын тілі француз тілімен тайталаста америкалық ұлттың мемлекеттік тіліне айналды.
Достарыңызбен бөлісу: |
