АҚШ-тың ауыл шаруашылығы мен көлігі. АҚШ-тың жер қоры бүкіл Шетелдік Еуропаның жер аумағынан бір жарым еседен аса үлкен әрі оның табиғаты ауыл шаруашылығы салаларын дамытуға біршама қолайлы болып келеді. Елдегі жайылымдық жердің аумағы жыртылатын жердің көлемінен екі есе көп. АҚШ дүние жүзінде ең алғаш болып агробизнеске көшті, осы себепті оның агроөнеркәсіптік кешен саласындағы еңбек өнімділігі жылдам артуда. Ауыл шаруашылығының жетекші саласы – мал шаруашылығы болғандықтан, егіншілік біршама дәрежеде мал шаруашылығының талап-тілектеріне қарайлап, оны жем-шөппен қамтамасыз етеді. Егістік жердің (185,7 млн га, дүние жүзінде 1-орында) жалпы көлемінің 2/3 бөлігін дәнді дақылдар – жүгері мен бидай, сондай-ақ күріш, сорго, т.б. алады. Майлы дақылдар ішінен елде бұршақ тұқымдастар көп өсіріледі.
Достарыңызбен бөлісу: |
