6-бап. Мемлекеттiң тiл жөнiндегi қамқорлығы
Қазақстан Республикасының азаматының ана тiлiн қолдануына, қарым-қатынас, тәрбие, оқу және шығармашылық тiлiн еркiн таңдауына құқығы бар.
Мемлекет Қазақстан халқының тiлдерiн оқып-үйрену мен дамыту үшiн жағдай туғызу жөнiнде қамқорлық жасайды.
Ұлттық топтар жинақты тұратын жерлерде iс-шаралар өткiзiлген кезде олардың тiлдерi пайдаланылуы мүмкiн.
Қазақстан Республикасының Конституциясы, 7-бап:
1. Қазақстан Республикасындағы мемлекеттiк тiл - қазақ тiлi.
2. Мемлекеттiк ұйымдарда және жергiлiктi өзiн-өзi басқару органдарында орыс тiлi ресми түрде қазақ тiлiмен тең қолданылады.
3. Мемлекет Қазақстан халқының тiлдерiн үйрену мен дамыту үшiн жағдай туғызуға қамқорлық жасайды.
Сіз келісесіз бе?
Егер Сіз мемлекет басшысы болсаңыз, басқа ұлт өкілдеріне мемлекеттік тілді 20 жылда емес, бір-екі жылда меңгеру үшін не істер едіңіз?
Шет мемлекетте тұратын басқа ұлт өкілдеоі сол елдің мемлекеттік тілін бір-екі жыл ішінде үйреніп шығуға міндетті.
Пікірталас:
а) «Тілге құрмет-елге құрмет. /«Уважение к языку-уважение к стране»/.
б) «Елтаңба, Ту, Әнұран – тәуелсіздіктің белгілері». /«Герб, Флаг, Гимн-признаки независимости»/.
«Мемлекеттік тілді білу-заман талабы» деп неге айтады?
Сіз келісесіз бе?
& Қазақ тілі
Қазақ тілі – Қазақстан Республикасының тұрғылықты халқы –қазақ халқының және шетелдерде өмір сүріп жатқан қазақтардың ұлттық тілі.
1989 жыл, 22 қыркүйек: «Қ.Р. Тілдер туралы » Заң қабылданып,қазақ тіліне «Қазақстан Республиқасының мемлекеттік тілі» мәртебесі(статус) берілді.
1993жыл, 28 қаңтар: Қазақстан Республиқасының тұңғыш Конституциясы қабылданды. Онда қазақ тілі Қазақстан Республикасының мемлекеттік тілі болып бекітілді. 1995 жыл, 30 тамыз: республикалық референдумда Қазақстан Республикасының жаңа Конституцияның 7-бабында былай делінеді:
1.Қазақстан Республикасындағы мемлекеттік тіл-қазақ тілі.
2.Мемлекеттік ұйымдарда және өзін-өзі басқару органдарында орыс тілі ресми түрде қазақ тілімен тең қолданылады.
3.Мемлекет Қазақстан халқының тілдерін үйрену мен дамыту үшін жағдай туғызуға қамқорлық жасайды.
1997 жыл,11 шілде: «ҚР Тілдер туралы» жаңа Заң Парламентте қайтадан талқыланып,ол ҚР Президентінің Жарлығымен бекітілді.Бұл Заң бойынша қазақ тілі Қазақстан Республикасының мемлекеттік тілі, қазақ халқының ұлттық тілі болып есептеледі.
Достарыңызбен бөлісу: |
