§ 11.1 Биіктік белгілерінің түрлері
Құрылыс алаңдарында геодезиялық жұмыстарды атқару кездерінде, сол алаңда (оның маңында) орналасқан геодезиялық белгілердің (пландық түсіріс нүктелерінің, биіктік реперлерінің) көпке шыдамдылығына, сақталынуына ерекше көңіл бөлінді,
себебі бұл белгілердің бұзылуы немесе жоғалып кетуінен, істелген геодезиялық жұмысты қайталап атқару ғана емес, кейде бүтін бір кешенді инженерлік-геодезиялық жұмысты қайталауға əкеліп соғады.
Геодезиялық биіктік белгілері екі топқа бөлінуі мүмкін: жерге орнатылған (қағылған) жəне қабырғалық .
Уақытша белгілер – жерге, ғимарат немесе құрылыс қабырғаларына, кесілген ағаш түбірлеріне, үлкен тастарға, арма-туралар қағылған (орнатылған) ағаш бағаналар, металл құбырлар, соғылған шегелер жəне с.с.
Тұрақты жерлік (жерге орнатылған) белгілер (реперлер) – бұлар жерге қазып орнатылған бетонды монолит. Белгінің бетон-нан шығып тұрған ұшын жарты сферадай қылып ұштап қояды да, осы нүктені пландық жəне биіктік нүктесі ретінде пайдаланады. Бетон лай қоспасына кейде арматураның орнына рельсті салады, бірақ алдын ала оның да ұшын биіктік репері ретінде қолдануға ыңғайлы болатындай етіп өңдейді (49 ə-сурет).
Достарыңызбен бөлісу: |
