Аргументті бекерлеуде ұсынылған тезистің дәлелденбегенін негіздеу арқылы оның ақиқат, не жалған екендігі туралы тиянақты, нақты пікір айтылмайды. Таңбалануы: А-дан Т туындайды А - жалған (қайшылықты) Т — дәлелденбеді Оқылуы: егер аргумент тезистің дәлелденбегендігін негіздесе, онда ол - бекерленеді Мысалы: Академик Қ.И. Сәтпаев, Ю.А. Билибиннің қуатгы геосинклинальдық зоналардың тарихи геологиялық даму кезеңіндегі өзгерістерін талдау негізінде іздеген металл кең орны болжам картасында көрсетілген жерден табылады деген теориясын былай бекерлейді: «Билибин схемасы барлық аймақта қолдануга жарамайды, барлау кезінде теория нұсқаған орындардан іздеген кеннің табылмауы — бұған кепіл; демек, оның универсалдыгы жансақ түсінік, барша региондар үшін тиімді емес...» (Сәрсеке М. Қазақтың Қанышы. А., 505 б.)
