Білім беру саласы: Денсаулық. Коммуникация Бөлімі: Денешынықтыру. Тақырыбы: Құртақанға күлуді үйретейік
Мақсаты: Баланың денсаулығын қорғау және нығайту, дене тәрбиесіне қызығушылығын дамыту, денсаулық сақтау технологияларын қолдана отырып, қозғалыс қабілеті мен икемділігіне талпындыру.
Міндеттері: бір-біріне доп лақтыруды және қолды төбеге көтеріп, қос қолдап қағып алу әдісін меңгеруді жалғастырамыз. Алға қарай секірген кезде қос аяқты бірдей көтеру және тізені аздап бүгіп, жерге түсу қабілетін қалыптастыруды әрі қарай жалғастырамыз. Демді іште сақтамай, еркін демалу қабілетін жетілдіру. Балаларды бір-біріне қайырымды, мейірімді болуға тәрбиелеу. Күтілетін нәтиже: жасайды: допты бастан асырып бір-біріне лақтыру, алға қарай жылжып секіру, ойын кезінде қасқыр мен лақтардың рөлін орындау. түсінеді: допты өзіне қарсы тұрған балаға лақтыру керектігін, секіргеннен кейін жерге аяқтың ұшымен түсу қажеттігін, дені сау адамның үнемі күліп жүретінін. қолданады:сапқа тұру, сапта жүру және жүгіру, алға қарай секіргенде екі аяқпен бір уақытта екпінмен итерілу, кеңістікте бағдар табу қабілетін.
