Резонанстық нейтрондардың энергиялары (0,001 МэВ/0,625эВ) аралығында жатады. Бұл облыстағы Г деңгей ені олардың ара қашықтығы Д салыстырғанда аз болып келеді. Сондықтан бұл облыстағы құрамдас ядроның жеке деңгейлерінің ролі күрт өзгереді. Құрамдас ядроның пайда болу қимасы мен реакциялар шығыстарының энергияларға тәуелділігі орташа және ауыр ядролар үшін резонанстық сипатта болады, ал жеңіл ядролар үшін 1-ші қозу деңгейлері едәуір жоғары орналасқан болып келеді.
Бұл облыста нейтрондар ядролармен мынандай әсерлесу түрлеріне қатысады:
Потенциалдық шашырау;
Резонанстық шашырау;
Радиациялық қармау;
Тек қана тақ изотоптардың бөлінуі (U-233, U-235, Pu-239).
Осы әсерлесудің ішіндегі потенциалдық шашыраудан басқаларының барлығында процестер құрамдас ядроның пайда болу арқылы жүреді.
Енді детальдық тепе-теңдік принципін қарастырып өтелік. Жүйенің 1-ші және 2-ші күйлері берілсін және олардың энергетикалық спектрі дискретті болсын делік.
