Электр тогы. Ток күші. Электр тогы деп электр зарядтарының тәртіпті (бағытталған) қозғалысын айтамыз. Мысалға, металда токты тасымалдайтын теріс зарядты бос электрондар, электролитте – оң және теріс зарядты иондар, газда және плазмада – иондар мен электрондар, шалаөткізгіште – электрондар мен кемтіктер атқарады. Токтың бағытына оң зарядтардың қозғалу бағыты алынады.
Токтың негізгі сипаттамасына ток күші алынады. Ток күші деп бір уақыт бірлігі ішінде өткізгіштің көлденең қимасы арқылы өтетін зарядтарды айтады. Егер ток тұрақты болса, онда ток күші , ал жалпы түрде
(10.1)
Ток күшінің өлшем бірлігі – ампер (А). .
Егер токтың бағыты да шамасы да уақыт өткен сайын өзгермейтін болса, ондай токты тұрақты ток дейді.
