Карбозова булбул давлетханкызы
Ақпараттық-коммуникациялық технология
жүктеу/скачать 3,13 Mb. Pdf көрінісі
|
karbozova-b-d-dissert
| Ақпараттық-коммуникациялық технология
– «технологиялық білім (ТБ) мен пәндік білімнің (ПБ) өзара әрекеттесуінің тәсілін білу. АКТ қолдану заттар туралы толық түсініктің қалыптасуына ықпал етпегеннің өзінде, қазіргі заманғы инновациялық технологиялар заттар туралы жаңа, алуан түрлі түсінік қалыптастыруды және осы түсініктерді басқарудағы ауқымды икемділікті қамтамасыз ете алады. Мұғалім өзі сабақ беретін пәнді ғана емес, оқыту технологияларын қолдану арқылы осы пәнді жетілдіру тәсілдерін де білуі керек. Үш білім саласының қиылысу ортасында технологиялық, педагогикалық және мазмұндық білім (ТПМБ) орналасқан. Осы тәсілді алғаш рет 2006 жылы Мишра және Кёлер қарастырды. Олардың айтуынша, егер жаңа технология оқуды жақсартуға ықпал ете алатын болса, онда жоспарлау үдерісі пән бойынша арнайы білімдердің оқушылардың осы білімдерді қалай игеретінін түсінумен бірге жүруін көздеуі керек . Оның үстіне, Мишра мен Кёлердің пайымдауынша, барлық үш білім саласы (пәндік білім, педагогикалық білім, технологиялық білім) арасында өзара байланысты іске асыруға қабілетті мұғалім жоғары деңгейдегі кәсіпқой болып табылады. Сонымен қатар зерттеушілердің айтуынша, осындай мұғалімдер зертханада жұмыс істейтін ғалымдармен, бағдарламашылар, технологиялық сарапшылармен немесе жаңа технологияларды пайдалану жөнінде білімдері жеткіліксіз тәжірибелі мұғалімдермен салыстырғанда, оқыту мен оқуда АКТ-ны қолдануда асқан ептілік танытады. Қорыта келгенде, жекелеген пәндерді оқытуға білім технологияларын ықпалдастыру мұғалімнің қарқынды дамуына, оқудың барлық үш аспектісін өзара байланыста белсенді қолдануына дайын болуын қажет ететіндігін және бұл оқыту мен оқу үдерістерін білікті түсіну көрсеткіші болып табылатындығын баса айту керек» [166, 59 б.]. Омонимдік бірліктердің когнитивтік құрылымын филологиялық мамандықтармен қатар жалпы білім беретін мекемелерде АКТ-ны пайдалана отырып оқыту арқылы омонимдердің тілдік қолданыстағы жиілігін анықтауда үлкен септігін тигізеді. Жиілік сөздік түзудің тәжірибиесінде көпмағыналы сөздер мен омонимдердің аражігін анықтауда, омонимдердің когнитивтік құрылымы мен семантикалық мазмұнын түсінуде АКТ-ның тиімділігі жоғары болып табылады. Мәселен, АКТ-ны пайдалану арқылы омонимдік сөздердің қатарын анықтауда, мағыналық қолданысын пайымдауда, жиілік көрсеткішін анықтауда білім алушылардың уақытын ұтымды пайдалануға, компьютерлік автоматизация арқылы қол жеткізуге болады. 115 Бүгінгі таңда АКТ-ны пайдалану арқылы омонимдердің когнитивтік құрылымының ғылыми лингвистикалық мазмұны мен технологиялық негіздегі қолданбалы әдістемелік сипаты бірізге түсіріліп, әдістемелік тұрғыдан жолға қойылды деп санауға болады. Оған дәлел ретінде, ҚР БжҒМ-нің тапсырысымен А.Байтұрсынұлы атындағы Тіл білімі институты ғылыми қызметкерлерінің ұжымы 2 102 496 сөзқолданысы мен 30 515 реестірлік сөзден тұратын «Қазақ тілінің жиілік сөздігін» 2017 жылы жасап шыққандығын атап өтуге болады. «Сөздіктегі берілген леммаға келтіру барысында ал (сын есім) – ал (етістік), жаз (етістік) – жаз (зат есім), кез (етістік) – кез (зат есім) сияқты жүктеу/скачать 3,13 Mb. Достарыңызбен бөлісу:
|