Жасына қарай жылқы атауы: 6 айдан 1 жасқа дейін - жабағы
1 жастан асқаны - тай
2 жастан асқаны - құнан
3 жастан асқаны - дөнен
5 жасары - бесті
6 жасары - алты жасар
18-19 да құлындаса - ласқар бие
20-21 ге келгенін - кетеу, дейді.
Жылқы екі жасында тісейді. Дана бабаларымыз малдың төресі жылқыны жақсы білген. Оның жасын тісіне қарап айырған. Жылқы екі жасынан бастап тісейді. Бұл жастағы жылқы малын құнан дейді. Осы екі жасында тісеп, қазы бермейтін жылкыны алсыр дейді.
Бабаларымыз жиырмадан асқан жылқыға қатты қараған. Өйткені оның да өзіндік сыры бар. Жылқының жиырма төрт жасқа толғанын кетеу дейді.
Бұл жастағы жылқы да қазы бермейді. Сондықтан аталарымыз «жұт — жетеу, қалғаны -екеу, біреуі -алсыр, біреуі - кетеу,- деген. «Кетеуі кеткен» деген мәтел осыдан айтылған болар.
Жылқы малының тісі әр алты жыл сайын өзінің қалыбын елеулі түрде өзгертіп отырады екен.
