Көкпекті аудандық кітапхана бойынша 12 айлық іс-шаралар есебі. Аудандық кітапханада қаңтардың 5-жұлдызы күні Рождестволық мерекеге арналып, кітапхананың оқу залында «Рождестволық жұлдыз астында»

Аудандық кітапханада қаңтардың 5-жұлдызы күні Рождестволық мерекеге арналып, кітапхананың оқу залында «Рождестволық жұлдыз астында» атты әңгіме өткізілді. Іс-шарага біздің кішкентай тұрақты оқырмандарымыз қатысты. Қатысушыларымыз өздерінің мереке жайлы қаншалықты білетіндіктерін айтып,өз ойларымен бөлісті. 6-шы Қаңтар күні «Рождество жарқын мереке одан асқан керемет мереке жоқ» атты сурет сайысы өтті.

9-ақпан күні аудандық кітапханада Кеңес әскерінің Ауған жерінен шығарылған күніне арналып «Ауғаныстан жолдарымен» атты кітап көрме безендіріліп, осы тақырып бойынша онлайн көрсетілім және тақырыптық слайд қатысушылар назарына ұсынылды. Іс-шара мақсаты: қатерге бел буып, батырлықпен қайсарлықтың үлгісін көрсетіп,қаһармандық танытқан,өздерінің Отан алдындағы парызына адал болған, Ауған соғысы ардагерлерінің ерлігін жасөспірімдерге таныстыру. Шара барысында аудандық кітапхана қызметкері Ташубаева Айгуль келушілерді кітап көрмесімен таныстырды. Көрмеге Ауған соғысында өз борышын атқарған, жерлестеріміз жайлы мәліметтер қойылды. Оқырмандарымыз Джамбаев Ринат, Хасенова Жанар, Аскамбаева Аяжан, Искакова Ариана, Сүлейменов Олжас, Мұрат Бақдәулет белсене қатысты.

13-ақпан күні аудандық кітапхананың оқу залында Зайсан ауданының ауған соғысы ардагерлерімен скайп арқылы кездесу ұйымдастырылды. Кездесуге келген жерлестеріміз Асыл Мукашевпен Жумажанов Ерлан майдандастарын онлайн арқылы кездесіп, құттықтап жылы лебіздерін білдірді. Ардагерлер бірін-бірі танып, жаңалықтарымен бөлісті. Шара барысында «Ауған ақиқаты» атты бейнеролик көрсетіліп, қысқаша баяндама жасады. Ардагерлер бір-бірімен әңгімелесіп, өздерінің қай жерде Отан алдындағы борыштарын өтегені жайлы айтты. Ауғанстаннан Кеңес әскерлерінің шығарылғанына 28 жыл өтсе де, сол кездегі жауынгерлер бүгінгі бейбіт өмірдің еңбеккерлері соғыс жарасынан айыға алмай келеді. Бейбіт заманның ардагерлерімен болған кездесі өте қызықты пікірталаспен өтті. Тарих жылнамасынан өзінің қаралы, нәубет жылдарымен орын алған зұлматтың бірі-Ауған соғысы.