Тесттердің дұрыс жауаптарының картасы

1.Зерттеуге арналған сұйықтыққа сапалық реакция жүргізетін кезде байқалған:

Биурет реакциясы – оң

Нингидрин реакциясы – оң

Шульце-Распайль реакциясы –теріс

Адамкевич реакциясы –теріс

Қандай қорытынды шығаруға болады?

2. Екі ерітіндіде түсті реакцияны жүргізгенде:

Бірінші ерітіндіде:

Биурет реакциясы – оң

Нингидрин реакциясы – оң

Фоль реакциясы – оң

Екінші ерітіндіде:

Биурет реакциясы – теріс

Нингидрин реакциясы – оң

Фоль реакциясы – оқ болғаны байқалды

Қандай қорытынды шығаруға болады?

3. Белок құрамында изолейциннің жоқтығы анықталды. Бұл белокты құнды деп санауға бола ма?

4. Белоктың біріншілік құрылымында белоктың атқаратын қызметі туралы ақпарат бар деп айтуға бола ма?

5. Белок ерітіндісіне тең көлемде (NH₄)₂SO₄-ң қаныққан ерітіндісін қосқан кезде тұнба пайда болды. Қандай белок тұнбаға түседі?

6. Белоктың қышқылдық гидролизінің дәрежесін анықтаңыз, егер:

а) биурет реакциясы әлсіз күлгін түс берсе, ал тұздалу реакциясы кезінде (NH₄)₂SO₄ қосқанда тұнба пайда болса;

б) биурет реакциясы әлсіз күлгін түс берсе, ал тұздалу реакция кезінде тұнба пайда болмаса.

7. Биохимиялық зерттеулер жүргізген кезде биологиялық материалдардағы төмен молекулалы қосылыстарды анықтау алдында ерітіндіден белоктарды бөліп алып тастайды. Бұл мақсатта үш хлорлы сірке қышқылын жиі қолданады, ол қандай әсер көрсетеді?

8. Мышьякты ангидридті стоматологияда ұлпаны некротизациялау үшін қолданады. Оның әсері неге негізделген?

9. Рибонуклеаза ферментін мочевинамен өңдеген. Фермент активтілігін жоғалтып, денатурацияға ұшырайды ма? Неге?

10. Науқаста тромб түзілуге бейімділік бар. Гликозамингликанның қандай өкілін тромбты емдеу және оның профилактикасы үшін қолдануға болады?

11. Сүтті қайнатқан кезде бетіне жұқа қабат пайда болады. Жұқа қабаттың құрамына қандай белоктар кіреді, қандай ерітіндіде қалады, неге Егер сүттің рН-ы қышқылдық болса, жағдай қалай өзгереді?

12. Науқастан алынған қанды центрифугадан өткізгеннен кейін плазма сүт түстес екені анықталды. Мұндай түс неге пайда болады? Осы түстен қалай айырылуға болады?

13.Дезоксирибонуклеопротеидтің жекелей қышқылдық гидролизі жүргізілген. Бұл гидролизатта ТМФ, ГМФ, цАМФ барын анықтауға бола ма?

14. Рибонуклеопротеидтің қышқылдық гидролизі жүргізілген. Бұл гидролизатта ТМФ, ГМФ, цАМФ анықтауға бола ма? Себебін түсіндіріңіз.

15. Гидролизатта гистон типті белоктар ашылды. Қандай жануарлардың ДНП-да осындай белоктар кездеседі?

16. Белгісіз ерітіндісі бар екі пробиркаға сахараза ерітіндісі қосылды. Содан кейін бірінші пробиркаға Селивановтың түсті реакциясы, ал екінші пробиркаға Фелинг реакциясы жасалды. Екі реакцияда – оң нәтиже көрсетті. Олардың қайсысы сахаразаның абсолюттік арнайылығын көрсетеді? Пробиркаларда қандай субстрат болды? Абсолюттік арнайылық дегеніміз не?

17. Фермент әсерін тоқтату үшін ерітіндіге қандай реактив қосу керек? Ингибирленуін қалай түсіндіруге болады?

18. Пепсиногеннің пепсинге айналуы бұзылған. Бұл қандай жағдайларда болуы мүмкін?

19. α – аланин және α –кетоглутар қышқылының қоспасы бар пробиркаларға: біріншісіне-бауыр гомогенаты, екіншісіне – алдын ала қайнатылған бауыр гомогенаты қосылады. Пробиркалар оптималды температура жағдайына 30 минутқа қойылады. Қай пробиркада қандай реакция жүреді? Қандай өнім пайда болады? Реакция теңдеуін жазыңыз. Неліктен екінші пробиркада реакция жүрген жоқ? Түсіндіріңіз.

20. Пирожүзім қышқылының декарбоксилденуі кезінде бір жағдайда сірке альдегиді (ацетальдегид), басқа кезде ацетил­КоА түзіледі. Аталған декарбоксилдену реакцияларында қандай айырмашылық бар? Катализдейтін ферменттерді атаңыз.

21. Жасушада анаэробты жағдай қалыптасты. ҮКЦ-ның реакцияларында не байқалады? Неліктен?

22. Жасуша құрамында АТФ саны көп те, ал АДФ саны аз. Осы жағдайда БТ жылдамдығы қандай? Неліктен?

а) Р/О коэффициенті 2-ге тең, мұны қалай түсінуге болады?

б) Р/О коэффициенті 1-ге тең, мұны қалай түсінуге болады?

24. ҮКЦ-де НАД-тың 3 молекуласы тотықсызданатыны белгілі. ҮКЦ-ң қай сатысында осы реакциялар болатынын көрсетіңіз.

25. Ішегіндегі гельминттер бар балалар әлсіз, түрі боз, өйткені гемоглобин мөлшері төмендеген. Бұл немен түсіндіріледі?

26. Қан сары суында пируваттың мөлшері жоғарылады. Осы қышқыл зәрдің құрамында пайда болады. Қай витаминнің авитаминозы кезінде бұл жағдай байқалады?

27. Науқаста амин қышқылының алмасуы бұзылған, жүйке жүйесі де зақымданған, РР витаминімен емдеуге келмейтін дерматит ауруы байқалды. Қай витаминмен емдеу қажет?

28. Науқаста пернициозды анемия. Бұл жағдай қай витаминдердің жетіспеушілігінен болады?

29. Науқастың кешке қарай көру қабілеті төмендеген. Көз жанары құрғаған, терісі құрғап түлей бастаған. Қандай витамин жетіспегенде мұндай құбылыстар дамиды? Оның биологиялық рөлі қандай? Тәуліктік қажеттілігі және табиғатта тарауы.

30. Науқас баланың басы үлкен, еңбегі бітпеген, іші үлкен, тістерінің өсуі кешеуілдеген. Диагнозы қандай? Қандай витаминмен емдеуге болады? Сол витаминнің химиялық табиғаты, биологиялық әсері, тәуліктік қажеттілігі және табиғатта таралуы.

31. Науқас әйел бұлшық еттерінің әлсіздігіне шағымданады, бірнеше рет түсік тастағаны белгілі болды. Науқасты қай витаминмен емдеуге болады? Сол витаминнің химиялық табиғаты туралы түсінік, биологиялық әсері, тәуліктік қажеттілігі және табиғатта тарауы.

32. Науқастың мұрнынан және асқазанынан жиі қан кетеді. Хирургиялық операция кезінде де қан көп кетеді. Бұл қай витаминнің жетіспеушілігінен болады? Сол витаминнің химиялық табиғаты туралы түсінік, биологиялық әсері, тәуліктік қажеттілігі және табиғатта таралуы.

33. Науқаста психикасының өзгергені, есте сақтау қабілетінің нашарлағаны, галлюцинация, тәбетінің нашарлауы, жүрек-қан тамырлар жүйесі, жүйке жүйесінің ауруы байқалады. Балтыр бұлшық еттері ауырады. Науқастың диагнозын атаңыз. Қандай витаминмен емдеуге болады? Сол витаминнің химиялық табиғаты, биологиялық әсері, тәуліктік қажеттілігі және табиғатта таралуы.

34. Науқастың ауыз қуысында (тіл, ерін, жұтқыншақ) кілегей қабаты қабынады., глоссит­тілдің түсі ал­қызыл болады, шырышты қабығы құрғайды. Көздің қасаң қабаты қылтамырланып (васкуляризация), катаракта пайда болады. Сол витаминнің химиялық табиғаты туралы түсінік, биологиялық әсері, тәуліктік қажеттілігі және табиғатта таралуы.

35. Науқастың терісі қабынады (дерматит). Фоль қышқылымен емделмейді, тәуліктік қажеттілігі және табиғатта таралуы.

36. Науқаста фоль қышқылымен емделмейтін анемия, асқазан сөлінің қышқылдығы төмендеген. Науқасты қандай витаминмен емдеуге болады? Сол витаминнің химиялық табиғаты туралы түсінік, биологиялық әсері, тәуліктік қажеттілігі және табиғатта тарауы туралы түсінік бер.

37. Науқастың басы айналып, іші өтіп, іш аймағы ауырып, тез ашуланғыштығы байқалады. Бет, мойын, қол терілерінің симметриялы түрде зақымданған. Қандай витаминмен емдеуге болады? Сол витаминнің химиялық табиғаты, биологиялық қызметі, тәуліктік қажеттілігі және табиғатта таралуы.

38. Науқаста көп мөлшерде сульфаниламидтер мен антибиотиктерді қабылданғаннан дерматит пайда болған. Ол шаштың түсуіне, дене терісі қызарып түлеуіне, тырнақтың зақымдануына әкеп соқтырды. Қай витаминмен науқасты емдеу керек? Сол витаминнің химиялық табиғаты, биологиялық әсері, тәуліктік қажеттілігі және табиғатта таралуы туралы түсінік беріңіз.

39. Қан құрамындағы глюкозаның мөлшері 1) 2,0 және 2) 8,5 ммоль/л тең. Осы жағдай қалай аталады? Глюкозаның осы аталған мөлшерінде бауырда қандай үрдіс күшейеді - гликогеногенез бе немесе гликогенолиз бе?

40. Тамақтанғаннан кейін 1 сағат өтті. Қақпа венасының қанында және шеткі қан тамырларында қандай көмірсулар қанша мөлшерде болады?

41. Неліктен лактазаның жетіспеушілігі сүт ішкен адамдардың іші өтеді, ал айран ішсе-өтпейді?

42. Науқас балада осмостық диарея байқалады. Бұл жағдайды қандай өзгерістермен түсіндіруге болады?

43. Науқастың бұлшық етіндегі гликогенфосфорилазаның ақауы бар. Бұл адам ұзақ уақыт бойы жаттығуларды шаршамай жасай ала ма? Себебін түсіндіріңіз.

44. Науқаста В₁ витаминінің айқын гиповитаминозы байқалады. Көмірсулар алмасуында қандай өзгерістер болады?

45. Науқас ауыр жұмыс жасағандықтан, бұлшық еттері ауырады. Неліктен? Ауырсыну сезімін жеңілдету үшін не істеу керек?

46. Шамадан тыс күшейген гликолиз кезінде бауырда глюконеогенез жылдамдығы қалай өзгереді?

47. Гликолитикалық ферменттер мен Кребс циклінің ферменттерінің активтілігі төмендегенде организмде қандай биохимиялық өзгерістер байқалады?

48. Науқастың есте сақтау қабілеті нашар, тағамға тәбеті тартпайды, жүрген кезде балтырдың бұлшық еті ауырады. Қандай витаминмен емдеу қажет? Оның биологиялық ролі.

49. Науқастың тілінің кілегей қабаты қабынған, езулері тілінген, көздің қасаң қабығы васкуляризацияланған, А витаминінің сіңірілуі бұзылған. Осындай күй қандай витамин жетіспегенде байқалады? Оның биологиялық ролі.

50. Науқастың ұйқысы нашар, ашуланшақ, ішектің функциясы бұзылған (диарея), беттің және қолдың терілері симметриялы түрде зақымданған, галлюцинация байқалады. Бұл құбылысты қандай витаминнің жетіспеушілігімен түсіндіруге болады? Оның биологиялық ролі.

51. Баланың ОЖЖ-нің қозғыштығы жоғары, глутамин қышқылынан ГАМҚ-ның синтезінің жеткіліксіздігіне байланысты тырысып қалу байқалады. Бұл құбылысты қандай витаминнің жетіспеушілігімен түсіндіруге болады? Оның биологиялық ролі.

52. Науқас көп антибиотик қабылдағандықтан, шаштары түсіп қалған, май бездерінің функциясы күшейген, дерматит, тырнағы сынғыш. Қандай витаминмен емдеуге болады? Оның биологиялық ролі.

53. Науқас сульфаниламидті препараттарды көп қабылдағандықтан, гемоглобиннің және қанның формалы элементтерінің синтезі бұзылған, В₁₂ витаминімен емдеу нәтиже бермеді, қандай витаминнің синтезі бұзылған? Оның биологиялық ролі.

54. Науқастың асқазанын алып тастағаннан кейін пернициозды анемия пайда болды, Вс витаминімен емдеу аурудың жағдайын жақсартпады. Қандай витаминмен емдеу керек? Оның биологиялық ролі.

55. Науқаста әлсіздік, тез шаршау, қан тамырлары қабырғаларының өткізгіштігі артқан, петехиялар байқалады, қызыл иектері қанайды, тістері түседі, гемоглобин синтезі төмендеген. Бұл қандай витамин жетіспегенде байқалады? Оның биологиялық ролі.

56. Дәнекер тінінің түзілуінде маңызды роль атқаратын, ал полиавитаминоздары кезінде әлсіздік, қызыл иектің қанауы, тістерінің түсуі, капилляр қабырғасының жарылуы байқалады. Осы витаминдерді атаңыз. Олардың биологиялық ролі.

57. Липидтердің пероксидті тотығуының күшеюіне байланысты бұлшық ет дистрофиясы, бауырдың майлануы, гонадотропты гормондар синтезінің бұзылуы, ұрықтың ыдырауы, ұрық бездерінің атрофиясы, эритроциттер гемолизінің артуы байқалады. Бұл қандай витамин жетіспегенде байқалады? Оның биологиялық ролі.

58.Ақыл-есі кем науқас сүт ішкенде іші өтеді. Қандағы глюкоза концентрациясы төмен, ал мальтоза мен лактозаның концентрациясы қалыптыдан жоғары. Зәрден галактоза анықталған. Осы күйді қалай түсіндіруге болады?

59. Гексокиназа тек бұлшық ет тінінде кездеседі және глюкоза-6-фосфат арқылы ингибирленеді, ал бауырда болатын глюкокиназа бұл субстартпен ингибирленбейді. Мұның қандай маңызы бар?

60.Қаңқа бұлшық етінде лактатдегидрогеназа (ЛДГ) активсіз. Бұлшық ет анаэробты гликолиз жолымен АТФ түзе ала ма? Жауапты дәлелдеңіз.

61.Жүгіруден бұрын лактат концентрациясы төмен, жүгіру кезінде лактат концентрациясы артады, ал жүгіріп болғаннан кейін біртіндеп төмендейді. Бұл феноменді қалай түсіндіруге болады?

62. Бұлшық еттің қарқынды жұмысы нәтижесінде лактат мөлшері көбейеді. Неліктен? Қандай патологиялық жағдай осындай эффектіге әкеп соғады?

63. Триациглицериннің қай бөлігінде энергия көп? Май қышқылдарында ма, глицеринде ме? Жауапты түсіндіріңіз.

64. Биологиялық тотығу мен тотығудан фосфорлануды ажырататын агенттерді қабылдағанда көп терлейді және дене температурасы көтеріледі. Осы феноменді молекулалық деңгейде түсіндіріңіз.

65.Дене температурасын бір қалыпты ұстау үшін дірілдеудің қандай маңызы бар? Қыста жылы киіну арқылы тағамды аз пайдалануға бола ма?

66.Аз қимылдайтын адамдардың липидтер мен көмірсулар алмасуында қандай өзгерістер болады?

67.Егер адам үш күн бойы тамақтанбаса, оның липидтер мен көмірсулар алмасуында қандай өзгерістер болады?

68.Энергетикалық материалдың қоры ретінде гликоген мен майлардың жиналуының ұқсастығы мен айырмашылығын көрсетіңіз.

69.Белоктардың ыдырауы күшейгенде, зат алмасу үрдісінде қандай өзгерістер байқалады?

70. Майларды көп жегенде зат алмасуында қандай өзгерістер болады?

71. Кетон денесі тотыққанда АТФ-тің 27 молекуласы түзілді. Қандай кетон денесі тотықты?

72.  және -липопротеиндердің ара қатынасы 3-тен көп. Бұл неге алып келу мүмкін?

73. 
    Асқазанда және ішекте белоктарды қорытуға қаытсатын ферменттер бір-бірінен салыстырмалы субстраттық арнайылығымен ерекшеленеді. Мұның қандай маңызы бар? Осының негізінде оларды жетілмеген фермент деп санауға бола ма?
    
74. 
    Асқазан сөліне анализ жасағанда сүт қышқылына реакция оң болды. Сіз қандай патологиялық жағдай деп болжайсыз?
    
75. 
    Науқас асқазан тұсының ауыратына, іші өтетініне шағымданды. Асқазан сөліне талдама жасағанда одан күкіртсутек иісі және бос тұз қышқылының жоқ екені байқалды. Асқазан ауруының қай түрі деп болжауға болады?
    
76. 
    Ауру асқазан маңының шаншып ауыратынын айтты. Асқазан сөлін зерттеу кезінде қанға сапалық реакция жоқ болды, жалпы қышқылдық 90-қа тең. Сіздің диагнозыңыз?
    

78. Зерттелетін зәрде индикан мөлшері артқан. Бұл қандай жағдайда байқалады?

79. Науқас белок мөлшері аз диетада. қан сарысуын зерттеген кезде онда мочевина мөлшері 11,83 мМоль/л-ге тең болды. Қандай ауру деп болжам жасауға болады?

80. Қан сарысуында мочевина азоты 0,75 г/л-ге тең, ол барлық қалдық азоттың 80%-ын құрайды. Сіздің жорамал диагнозыңыз?

81. Зерттелетін қан сарысуында креатин мөлшері 1,2 мМоль/л-ге тең. Қандай органның қызметі бұзылғаны туралы ойлауға болады?

82. Глюкоза ми тіні үшін негізгі энергия көзі болып табылады. Осы тінде глюкоза тағы қандай қызмет атқарады? Ми тінін энергиямен жабдықтау үшін глюкозадан басқа қандай заттар қажет?

83. Неліктен жануарлардың бауырын алып тастағаннан кейін 3 сағаттан соң, гипогликемия дамып, өлімге ұшыратады? Ол үшін әр сағат сайын 0,25-0,1г/кг мөлшерде глюкоза енгізіп тұру керек, ал галактоза, лактат және пируватты енгізу неліктен тиімсіз?

84. Бауыр аурулары кезінде неліктен теріде ұсақ нүктелі қан құйылулар байқалады?

85. Өсімдік текті тағамның құрамында холестерин жоқ. Тек өсімдікпен ғана тамақтанатын адам мен ет, жұмыртқа, сүтпен тамақтанатын адамның холестерин алмасуында қандай айырмашылықтар болады?

86. Егер бауыр қалыпты қызмет атқарған жағдайда тағаммен бірге көп мөлшерде холестерин түссе, холестерин қалай жұмсалады?

87. Бауыр ауруларында холестерин алмасуы қалай өзгеруі мүмкін? Бұл неге әкеп соғуы мүмкін?
88.Кейбір хирургиялық операцияларда және көлемді жарақаттарда қан тамырының ішінде тромба түзілу қауіпі туады. Мұндай жағдайда неліктен гепарин қолданылады?

89.Науқастың асқазан сөлін зерттегенде, жалпы қышқылдық 3 моль/л екені, бос НСl-дың анақталмайтындығы байқалады. Сағаттың кернеуі мен бос НСl-дың дебит сағаты азайған. Пепсин, гастроксин жоқ. Бұндай симтромардың комплексі қалай аталады? Қанадй ауруларда байқалады?

90. Науқастың асқазан сөлін фракциялық әдіспен зерттегенде, стимуляцияланған секрецияның сағаттық кернеуі көбейгені анықталады, жалпы қышқылдығы 100ммоль/л, бос НСl-дың дебит сағаты 9ммоль/л. Бұл белгілер нені көрсетеді?

91. Асқазан сөлінде өт пайда болғанда әр түрлі түстердің (жасыл немесе сарғыш) болуын қалай түсіндіруге болады? Асқазан сөлінде өттің болу себептерін атаңыз.

92.Асқазан сөлінен шіріген иіс шығады. Осы асқазан сөлінің қышқылдығы қандай? Бұл асқазансөлінде қандай потологиялық құрамдас бөліктерді анықтауға болады?

93. Науқас адамның асқазан сөлін зерттегенде, базальдық және стимуляцияланған секрециялардың сағаттық кернеуі төмендкген «О»-порциясында кешегі тамақтардың қалдықтары бар. Асқазан сөлінің қышқылдығы мен иісі қалай өзгереді? Асқазан сөлінің қалдығын қалай түсіндіруге болады?

94.Бүйрегі ауыратын науқаста олигурия байқалады, зәрде белок бар, қанда азотты қалдық көбейген және артерия қысымы жоғарылаған. Бүйректік гипертензияның пайда болу механизмін немен түсіндіресіз?

95.Егер науқастың жүрек ауруы бар екенін байқааңыз, ауруды қандай биохимиялық анализдерді жасауға жібересіз?

96. Егер науқастың бауыры ауратынын байқасаңыз, науқасты қандай биохимиялық анализдерді жасауға жібересіз?

97. Егер сіз науқаста бүйрек ауруы бар екенін байқасаңыз, оны қандай биохимиялық анализдерді жасауға жібересіз?

98.Дәрігер “вирусты гепатит” деген диагноз қойды. Осы диагноздың дұрыстығын анықтау үшін қандай биохимиялық анализдер жүргізу қажет?

99.Стационарлық қабылдау бөліміне “Жедел жәрдем” машинасымен мүлдем есінен айрылған науқасты әкелді. Науқас ауыр дем алады., демінен жемістердің иісі шығады (ацетон иісі). Сіздің алдын ала қойған диагнозыңыз? Науқастың диагнозын анықтап, щған жедел жәрдем көрсету үшін сіз тез арада қандай биохимиялық анализ жасауыңыз қажет?

100.Науқастың қанына глюкоза 4,6 ммоль/л, зәрінде глюкоза анықталды. Бұл күй қалай аталады? Зәрде глюкозаның пайда болу механизмін түсіндіріп беріңіз.

101. Науқастың қанында қалдық азот мөлшері 45 ммоль/л болғанда операция жасалады. Операцияныдан соң науқастың күйі күрт нашарлады, азотты шлактармен улану белгілері байқалады. Бұл не себептен болды?

102. Науқас кең көлемде күйік алған. Осыған байланысты қанда және зәрде қандай өзгерістер болады?

103. Науқаста протенурия байқалады, тәуілігіне 15 г мочевина бөлінеді, қалдық азоттың мөлшері 43 ммоль/л. Бұл өзгеріс қай органның патологиясымен байланысты? Белокты анықтау әдістері.

104. Қандай мүше ауырғанда зәрдегі мочевинаның мөлшері азайып, қандағы қалдық азоттың мөлшерін көбейтеді? Қандай жағдайларда олар өзгермейді немесе біраз кемиді?

105.Ауруда операциядан кейін азотты қалдықтармен улану симптомдары пайда болды. Себебі неде? Бұндай жағдайды болдырмау үшін операцияның алдында науқастың қанына қандай анализдер жасау керек еді?

106. Науқастың терісі және көзінің склері сарғайған, зәрінің түсі қоңыр, нәжісі түссіз. Диагнозын анықтау үшін қандай биохимиялық анализ жасаймыз?

107. Науқастың зәрінің түсі қызыл-қоңыр (ет жуындысына ұқсас), зәрдің мөлшері азайған. Зәрдің түсі неден өзгерген? Сіз қойған диагнозды дәлелдеу үшін қандай биохимиялық анализдер жасау керек?

108. Қантты диабетпен ауырған науқастың қанында кетон денелерінің мөлшері көбейген, зәрде кетон денелері табылған. Қан мен зәрде кетон денелерінің пайда болу механизмін түсіндіріңіз.

109. Науқастың қанында глюкоза мөлшері 11ммоль/л, ал 5л шамасында зәр бөлінеді, зәрдің меншікті салмағы өте жоғары. Зәрде глюкоза мен кетон денелері бар. Осы паталогиядағы гипергликемияның механизмін түсіндіріңіз. Сіз қандай диагноз қоясыз?

110. Адреналин мен глюкагон әсерінен пайда болатын гипергликемияның пайда болу механизміндегі айырмашылықтарды көрсетіңіз.

111. Науқастың дене салмағы жоғары, әлсіз, тез шаршайды, дене температурасы төмен, тілі мен терісінде ісіну байқалады. Диурезі төмен. Бұл симптомдар қандай гормон жетіспеуінен болады? Ағзада су жиналуын қалай түсіндіруге болады?

112. Қалқанша безінің гипо- және гипер-функциясы әлсіздікке, тез шаршағыштыққа әкеліп соғады. Себебі неде? Бұл жағдайдың молекулалық механизмін қалай түсіндіресіз?

113.Эритроциттердің ыдырауы артқанда және өт жолдары қабынғанда неліктен өт тас ауруының пайда болу мүмкіндіктері артады?

114.”Бери-бери” ауруының ең алғашқы белгілерінің бірі –зәрде ПЖҚ-ның пайда болуы. Бұл ауру қай витамин жетіспеуінен болады?Зәрде пируваттың пайда болу механизмі қандай?

115.Бүйрегі зақымданған науқас теңестірілген диета ұстағанына қарамастан, жиі бүйрек остеодистрофиясы – сүйектің қарқынды деминерализациясымен сипатталатын рахиттәрізді ауру дамиды. Бүйректің зақымдануы неге деминерализацияға әкеп соғады?

116. Тығыздығы төмен липопротеиннің тығыздығы жоғары липопротеинге қатынасы 3-тен көп. Бұл коэффициенттің өзгеруі қандай аурудың пайда болуына әкеп соғады?

117. Зәрде гиппур қышқылының мөлшері артқан. Бұл немен байланысты? Гиппур қышқылы қайда түзіледі, осы реакцияны жазыңыз.

118. Зәр түсі ақшыл, сүт тәрізді. Зәр түсінің бұлай өзгеруі қандай заттарға байланысты? Бұл қай кезде байқалады?

119.Жаңа туған нәресте зәрінің иісі тышқан иісіндей. Зәрдің химиялық құрамын зерттегенде фенилаланиннің артқаны анықталды. Зәр иісі мен құрамының бұлайша өзгеруі қандай ауру туралы айтады? Бұл ауру немен қауіпті? Осы ауруды диагностикалауда дәрігер нені қолдану керек?

120. Қан сарысуының белоктық фракцияларын зерттегенде: -1 глобулиндер-4,5%, -2-глобулиндер -6,1%, -глобулиндер-12,3%, -глобулиндер-9,5%, альбуминдер мөлшері қалыпты. Берілген анализде өзгерістер болады ма, егер болса, онда олар қандай патология туралы айтады (білдіреді)?

121.Қан сарысуының белоктық фракцияларын зерттегенде: -1 глобулиндер-5,0%, -2-глобулиндер -7,2%, -глобулиндер-11,5%, -глобулиндер-29,5%, альбуминдер мөлшері қалыпты. Берілген анализде өзгерістер болады ма, егер болса, онда олар қандай патология туралы айтады?

122.Қан сарысуындағы жалпы биллирубин мөлшері қалыпты мөлшерде. АЛТ (аланинаминотрансфераза)-0,6 мкМ/л. Ферменттер мөлшерінде ауытқулар болуы мүмкін бе? Қан анализінің мұндай өзеріс нені білдіруі мүмкін? Аталған ферменттер қандай үрдістерге қатысады? Олардың құрамына қандай витаминдер кіреді?

123.Стационардың қабылдау бөліміне тамырлары мен жүрек маңындағы жедел қабыну өзгерістері бар науқас түсті. Қан сарысуының белоктық фракцияларында қандай өзгерістерді күтуімізге болады?