Мақсаты: болашақ мұғалімдерге математиканы оқытуға қажетті теориялық, практикалық және әдістемелік даярлық беру және критериалды бағалау жүйесін енгізу тұрғысынан болашақ мұғалімдердің педагогикалық дағды мен құзіреттілігін қалыптастыру.
Курстың міндеттері:
бастауыш сынып оқушыларына математиканы оқыту процесін ұйымдастырудағы кәсіби білім және біліктермен қаруландыру;
әдістемелік ғылымның зерттеу нысаны, пәні, міндеттері және әдістері, сонымен бірге бастауыш сынып оқушыларына математиканы оқыту теориясы және тәжірибесінің үрдістері мен бағыттары туралы түсінік беру;
бастауыш мектептің математика курсын құрайтын негізгі түсініктер мен әрекет тәсілдерінің мазмұны туралы ғылыми түсінік қалыптастыру;
жаңартылған білім беру бағдарламасына сәйкес келетін педагогикалық тәсілдерді түсінуін және қолдана білуін қамтамасыз ету;
оқу бойынша жаңартылған білім беру бағдарламасындағы оқу мақсаттарына қол жеткізу мақсатында критериалды бағалау жүйесін түсініп, қолдана білуін қамтамасыз ету;
