Корея түбегі – Азияның шығыс бөлігіндегі, шығысында Жапон теңізімен, Корея бұғазымен, оңтүстігінде Чеджу бұғазымен және батысында Сары теңізбен қоршалған. Ауданы 150 мың км кв жуық. Жер бедері таулы болып келеді. Ең биік нүктесі – Пэктусан тауы, 2744м. Түбектің теңізбен шектесетін жағалаулары жазықты келеді. Климаты – қоңыржай муссондық, оңтүстігінде субтропиктік. Қаңтардың орташа температурасы солтүстігінде -20 С, оңтүстігінде +4 С; шілденің орташа температурасы солтүстігінде +24 С, оңтүстігінде +26 С. Жылдық жауын-шашын мөлшері 1500 мм. Түбектің 2/3 бөлігін ормандар мен бұталар алып жатыр. Көптеген ұлттық парктер ұйымдастырылған. Корея түбегінде Корея Республикасы мен Корей Ұлттық Демократиялық Республикасы орналасқан.
Достарыңызбен бөлісу: |
