1. Практикалық сабақтың тақырыбы:Иммундық жүйенің орталық мүшелерінің морфологиясы.
2. Практикалық сабақтың жоспары: 1. Орталық мүшелерде иммунокомпетентті клеткалардың қалыптасуы.
2. Сүтқоректілердің иммундық жүйесі.
3. Практикалық сабақтың мақсаты: Иммундық жүйе организмнің генетикалық ішкі орта тұрақтылығын, яғни иммундық гомеостазды қамтамасыз етуге қызмет ететін мүшелер, ұлпалар,клеткалар жүйесі. Иммундық жүйе сонымен қатар қан жасау қызмет атқарады.
4. Практикалық сабақтың мазмұны:
1. Орталық мүшелерде иммунокомпетентті клеткалардың қалыптасуы. Орталық мүшелерде иммунокомпетентті клеткалардың қалыптасуы мен пісіп жетілуі жүреді. Ал шеткі мүшелерд олардың қызмет етуі жүзеге асады. Сүтқоректілердің орталық иммундық мүшелеріне жілік майы мен тимус (айырша без) ал шеткі мүшелеріне лимфа түйіндері, көк бауыр асқорыту жолының лимфоидты ұлпасы (бадамша) Пейер тартпасы (бляшка) солитарлы фолликулдар жатады. Иммундық қызметті орталық жүйке жүйесінің нейроглиясы мен тері де атқарады. Құстардың иммундық жүйесінде орталық және шеткі мүшелер болады. Олардың орталық мүшелеріне жілік майы, тимус, Фабрициус қалтасы (бурса) ол шеткі мүшелеріне көкбауыр, Гардер безі, көз жасы безі, ас қорыту жолдарының лимфоидты ұлпасы, өкпенің лимфоидты ұлпасы ,тері жатады.
