Дәріс №4 Жұқпалы ларинготрахеит

Ауру қоздырғышы-арнайы сүзгіден өтетін вирус,ол ауру құстың көмейі мен кеңірдегіндегі жалқаяқта быжынап жүреді.Жұқпалы ларинготрахейт вирусы түрлі физикалық және химиялық заттардың әрекетіне онша төзімді емес .Осы аурудан өлген өлекседе көктемде жер бетінде сақталса ,оның ішіндегі вирус 30 күн бойы өлмейді, уытын жоймайды. Мұз болып қатқан құс ұшасында вирус 19—30 ай сақталады .Тікелей түскен күн сәулесінде ол көп болса 7 сағат тірі қалады .Күйдіргіш натрий 1 % ерітіндісінде , крезолдың 3 % ерітіндісінде , фенолдың 5 % ерітіндісінде вирус 1—2 минутта өліп қалады .

Эпизоотологиялық мәліметтер. Табиғи жағдайда жұқпалы ларинготрахеитпен көбінесе тауық ауырады.Оған әсіресе 2-3 айлық балапандар шалдыққыш келеді.Кейде 30-40 күндік балапандар ауырады.Бұл аурумен тауықтан басқа , күрке тауық пен қырғауыл шалдығады.Қазбен үйрек жұқпалы ларинготрахеитпен ауырмайды.Ауру әсіресе құс азығы құнары төмен , күтімі нашар (ауасы тар, сыз, сығылыс орналастыру, витамин, минералды заттардың жетпеуі) шаруашылықтарда жиі кездеседі. Індет әдетте ларинготрахейтпен ауырып тұрған және одан айыққан құс арқылы тарайды. Мұндай құс денесінде вирус екі жыл бойы сақталуы мүмкін . Жұқпалы ларинготрахейт ауру құс саңғырығы мен несебі тамған жем және несеп арқылы жұғады. Вирусты жабайы құстар, егеуқұйрық т.б. жануарлар тасымалдауы мүмкін. Ол құс денесіне танау мен ауыз арқылы сондай-ақ коньюктиваға (көздің сырт қабығы) енеді де, ауруға шалдықтырады.