Бірінші кезең - байланыс орнату (кейде оны назар аударту деп атайды). Сатушының клиентпен тікелей қарым-қатынас жасауы арқылы жүзеге асырылады. Мақсаты - қарым-қатынас жасау үшін жағымды атмосфера құру. Әңгімені сату процесіне қатысы жоқ байтарап сұрақтан бастауға болады. Бірақ клиентке айтылатын сөйлемді, ол онымен келісетіндей немесе оң жауап беретіндей етіп құрау қажет.
Екінші кезең - қажеттілікті анықтау. Бұл кезеңде сатушының алдында өзекті мәселелерді, клиенттің қажеттіліктері мен тілектерін анықтау міндеті тұр. Жалпылама және жетекші сұрақтарды пайдаланған жөн. Бұл жерде тек сауатты сұрақ қоя білу ғана емес, әңгімелесушіні дұрыс тыңдау да өте маңызды.
