8.7.Кәсіпкерліктің ұйымдық-құқықтық нысандары Компанияңызды тіркей отырып, сіз кәсіпкерліктің ұйымдық-құқықтық нысанын таңдай аласыз. Бұған көп нәрсе тәуелді болады: бизнесті тіркеу және жүргізу ерекшеліктері; бухгалтерлік есептілік; қаржылық тәуекелдердің көлемі; салықтар; пайда; заңдық жауапкершілік.
Бизнестің бастапқы кезеңінде таңдау екі нысанның арасында тұрады - жеке кәсіпкер (ЖК) және жауапкершілігі шектеулі серіктестік (ЖШС). Олардың арасындағы айырмашылықты талдап көрейік.
Сіз өзіңіздің жеке бизнесіңізді жеке тұлға ретінде, яғни жеке кәсіпкер (ЖК) бола аласыз немесе жеке тұлға құрған заңды тұлға (ЖШС) арқылы жұмыс жасай аласыз. Мысалы, белгілі бір Сұлтанов жеке кәсіпкер Сұлтанов ретінде жұмыс істей алады немесе ол «Спорт әлемі» ЖШС деген атпен ЖШС жасай алады және осы заңды тұлғаның атынан бүкіл бизнесті жүргізе алады.
Жеке кәсіпкер - бұл азаматтың өзі, ал заңды тұлға - бизнестің тәуелсіз ойыншысы деп айтуға болады, және оны осы заңды тұлғаны құрған азаматпен сәйкестендіру мүмкін емес.
