Семинар сабағының бірден-бір мақсаты

Негізгі мақсаттық бағытына байланысты семинардың үш типін ажыратамыз:

1) белгілі бір оқу курсын терең зерттеуге арналған, осы курстың материалымен тақырыптық байланысты семинар;

2) әдіснамалық тұрғыдан маңызды курстың немесе белгілі бір тақырыпты негізді түрде дайындауға арналған семинар;

3) арнайы семинарға ұласуы мүмкін, жекелеген өзекті мәселелерді ғылыми өңдеуге арналған зерттеу типіндегі семинар.

Арнайы семинар белгілі ғалымның жетекшілігімен белгілі бір проблемаға байланысты жас зерттеушілердің қарым-қатынасының мектебін білдіреді. Тәжірибелі жетекші ғылыми шығармашылықтың ауа-райын қалыптастырып, студенттерді ұжымдық ойлау қызметіне бағдарлап, зерттеу жұмысының тиімді әдістерін пайдаланады. Қорытынды сабақта оқытушы студенттік ғылыми жұмыстарға толыққанды шолу жасап, қорытындылайды, қарастырылған проблемалардың ары қарата зерттелу мүмкіндіктерін аша отырып, қызығушылық білдірген студенттердің осы проблемаларды зерттеуге қатысу мүмкіндіктерін түсіндіреді.

Семинар сабақтары дәріс сабақтарымен тығыз байланысты, дегенмен де семинардың оқу материалы дәріс материалың қайталамайды. Оқытушының жетекшілік рөлі оқу жұмысын тиянақты жоспарлаудан, маңызды сұрақтарды семинарда талдауға бөліп шығарудан, дербес дайындалу үшін әдебиеттерді таңдаудан, талқылау үдерісіне басшылық жасаудан көрінеді.

Семинар сабағының міндеттері:

- оқу пәніне сәйкес студенттердің білімін тереңдету және кеңейту

- зияткерлік мәселелері міндеттерді шешу және дағды қалыптастыру

- студенттерің қабілеттерін жетілдіру мақсатында дәлелдер және оны жоққа шығаруды жетілдіру

- теориялық деңгейі жетілген студенттер дайындау

Семинар сабағының функциялары:

- танымдық

- тәрбиелік

- дамытушылық

- оқытушымен студент арасындағы тікелей диалог арқылы тұрақты қарым-қатынастың болуы

- Семинар кезінде дәріс материалын қайталамауы тиіс, бірақ оның негізгі ережелерін талқылау үшін білім беру мәселелерінде өзара байланысты жоққа шығармау.

Жүргізу әдісіне байланысты семинар келесі түрлерге бөлінеді.