Ғылыми-әдістемелік кеңес мәжілісінде бекітілді №6 хаттама «07» маусым 2017 ж. Оқу ісі жөніндегі проректор
____________ Хикметов А.К. «6М050300-ПСИХОЛОГИЯ» мамандығы бойынша МАГИСТРАТУРАҒА ТҮСУШІЛЕРГЕ АРНАЛҒАН МАМАНДЫҚ БОЙЫНША ТҮСУ ЕМТИХАНЫНЫҢ БАҒДАРЛАМАСЫ
АЛМАТЫ 2017 МАЗМҰНЫ
Мамандық бойынша оқуға түсу емтиханының мақсаттары мен міндеттері
«6М050300-Психология» мамандығы бойынша магистратураға оқуға түсушілердің оқуға түсу сұрақтары олардың жалпы білім деңгейі мен осы саладағы ғылыми білімдерінің дайындық деңгейін анықтауға әзірленген.
Міндеттері:
психология ғылымының теориялық негіздері мен психологиялық зерттеу ерекшеліктерінің білім деңгейін анықтау;
кешенді талдау тәсілдері мен ғылыми әдебиеттерді пайдалануды меңгеру деңгейлері;
қолда бар материалды талқылау үшін алған теориялық білімдерін пайдалану іскерліктері;
психология ғылымының әртүрлі бағыттарындағы мәселелерді салыстырмалы зерттеуде шығармашылық-аналитикалық қабілетін жүзеге асыру іскерліктері;
зерттеу тақырыбы бойынша жиналған материалды талдау және жүйелеу іскерлігі;
психология ғылымының бағыттары мен принциптері туралы түсініктер;
зерттеудің психологиялық әдістері саласындағы білімдерді игеру;
отандық және шет елдік психология ғылымы саласындағы білімдерді еркін игеру.
Оқуға түсу емтиханының формасы –жазбаша емтихан. Емтихан тапсырушы емтиханда берілген сұрақтарға жауаптарын арнайы қағазға жазып және жауап парағына шифр қойылады. Апелляция жағдайында жұмысты қарастыру үшін жауап парағындағы жазбаша ақпарат қолданылады.
