Ғылыми кітапхана Көркем әдебиет секторы «Бір ел – бір кітап» акциясы

Аймауытов Жүсіпбек – қазақтың көрнекті жазушысы. Ол адамның жан-жүйесін (психологиясын) қазақта тұңғыш зерттеп, оқулық жазған қайраткер, ағартушы, шын мәніндегі ұстаз, 30-жылдар зорбалаңының құрбаны болған суреткер, драматург, ғалым. Оның шығармашылық еңбектері араға жарты ғасырдан астам уақыт салып, соңғы жылдары ғана жарық көре бастады. Белгілі ғұлама ғалым Қирабаев Серіктің ұсынып отырған мынау зерттеу кітабында Аймауытов Жүсіпбектің осы қиын да күрделі тағдыры әңгімеленіп, өмір жолы, болмыс-бітімі, тыныс-тірлігі жан-жақты суреттеледі.

• 
  Алматы: «Рауан», 1995.-312 бет.
  

Қазақ әдебиетінің классигі, көрнекті ағартушы-ғалым Жүсіпбектің бұл жинағы ана тілімізде жазылған тұңғыш психологиялық, педагогикалық құнарлы ғылыми еңбектің бірі, әрі төлтума оқулықтың бірегейі саналады. Жинақ Жүсіпбектің араб әріпімен 1926 жылы Ташкенде жарық көрген «Психология», және Мәскеуден шыққан «Жан жүйесі мен өнер таңдау» деп аталатын кітаптарынан құрастырылды. Түпнұсқадағы қазіргі оқушыға түсініксіздеу терминдерге, түсіп қалған,қате басылған сөздерге сілтеме жасалғаны болмаса, жинақтың «Псиқолоғия» деген әуелдегі атынан бастап, жазушы-ғалымның сөз қолданысына дейін қаз қалпында берілді.