«Физика негіздері»

Бүгінгі таңда оқушылардың дүниетанымын кеңейту және оларды шығармашылық іс - әрекетке баулу, сонымен қатар өз бетінше ізденушілік қасиеттерін жетілдіретін жұмыстардың бірі факультатив жұмыстары болып табылады. «Физика негіздері» атты бұл бағдарлама арнайы 9 сынып оқушыларының пәнге деген қызығушылығын арттырып, тереңдете оқытуға негізделген. Факультатив сабақтар жүргізу арқылы оқушылардың дүниетанымын, шығармашылық қабілеттері кеңейеді.

Физиканы тереңдетіп оқыту 9 сыныптарда факультативтік сабақтар арқылы жүзеге асырылады. Факультатив сабақтар оқушылардың пәнге деген қызығушылығына байланысты және оқу программасы бойынша жүйелі түрде байланысып отырады. Оқушылар үшін факультатив сабақтарды ұйымдастыру мектептің бірыңғай принципіне қайшы келмейді, керісінше, ол мектеп алдында тұрған бірқатар маңызды міндеттерді табысты шешуге жағдай жасайды. Бұл міндеттердің ішіндегі аса маңыздыларының бірі - дидактиканың жеке (даралап) оқыту принципіне сай келеді. Яғни, әрбір оқушының табиғи қабілетіне сәйкес ақыл - ойын, қабілетін дамытуға бағытталған жұмыстар жүргізіліп, ғылым мең техниканың казіргі жетістіктерін мектеп білімінде толығырақ қамтуға, оқыту ісінде оқушылардың шығармашылық тапсырманы орындауына көбірек көңіл бөлуіне, өз бетінше білім алуға деген ізденістеріне мүмкіндік береді.

Мақсаты: Берілген тақырыптар бойынша физиканың заңдылықтарын, олардың ашылу тарихын, күнделікті тұрмыста қолданылуын, физиканың өндіріспен, ауылшаруашылығымен, техникамен, ғарышты игерумен байланыстылығын тереңдетіп ашып көрсету, пәнаралық байланысты жүзеге асыра отырып, оқушының шығармашылық қабілетін дамыту, жеке тұлғаны білімділікке, ізденімпаздыққа, тапқырлыққа ынталандырып, өз бетінше жұмыс істеу қабілетін арттыру.

Факультативте есеп шығару сабағын өткізудің өзіндік қиындықтары болады. Кез келген тақырыпқа байланысты конкурстық, олимпиадалық есептерді таңдап алуға болады. Мұндай есептерді шығару барысында есеп мазмұны мен оны шығарудың мүмкін жолдарын оқушылармен бірге талдау олардың есептерді өз бетінше шығаруға деген дағдысын жедел дамытуға, зерттеушілік қабілеті бар оқушыларды табуға мүмкіндік береді. Мұндай оқушылар теориялық материалдарды оқып - үйрену кезінде көзге түспесе де, шығармашылық есептерді шығару барысында жаңа қырынан танылуы мүмкін.

- физика пәнінен меңгерген білім дағдыларын басқа пәндерден алған білімдерімен ұштастыра білу;

- физикалық ұғымдар мен шамалардың мағынасын түсіне білу;

- физика заңдарын практикалық қолданыстарын түсініп игере білу;

- мамандық таңдауда игерген білімдерін пайдаланып, қолдана білу

Курс бағдарламасының мазмұны: /9 сынып/

Кіріспе – 2 сағат

Физикалық теория және есептің шығарылуы.Эксперименттік, экономикалық, техникалық мазмұндағы есептерді шығару. Физикалық есептерді құрастыруға қойылатын талаптар.

Есеп шығарудың координаттық тәсілі. Кинематика негіздері. Динамиканың негізгі заңдылықтарына есептер шығару: Ньютон заңдарына, тартылыс күштеріне арналған заңдарға, серпінділікке, үйкеліске, кедергі күшіне. Статика. Тепе-теңдік түрлері.

Импульстің сақталу заңына және реактивтік қозғалысқа есептер шығару. Жұмысты және қуатты анықтауға есептер шығару. Сақталу заңына және механикалық энергияны түрлендіруге есептер шығару.

Сұйықтың ыдыс түбіне және қабырғасына түсіретін қысымын есептеу. Архимед заңына есептер шығарту.

МКТ –нің негізгі қағидаларына және негізгі теңдеулеріне сапалық есептер шығару. Идеал газдың күйін сипаттауға берілген есептерді шығару: МКТ – нің негізгі теңдеуіне, изопроцестердегі газ күйін сипаттауға. Беттік қабат құбылыстарын сипаттауға, ауаның ылғалдылығының сипаттамасын анықтауға есептер шығару.

Термодинамиканың І-заңына, жылу двигательдерінің ПӘК-не, ішкі энергия, жылу мөлшері және жылу сыйымдылығын анықтауға есептер шығарту.

Электромагниттік тербелістер, Еркін тербелістер , Еріксіз тербелістер тақырыбында күредлілігі жоғары есептерді шығаруды үйрену.

Толқындық қозғалыс , Дыбыстық қозғалыс тазырыптарын жеті түсіну.

Жылулық сәулелену, абсалют қара дене, жарық кванттары туралы түсініктерін кеңейту.

1. Қазақстан Республикасының «Білім туралы» заңы, 27 маусым 2007, №319

2. Физика және астрономия журналдарының әр жылғы жинағы

3. Ф.Е.Фарбер Физика. Жоғарғы мектеп, 1979

4. Альбом-Алматы: Дайк-Пресс, 2001

5.  Ю.Г.Мизун «Ғарыш және ауа райы» Наука, 1986

6. К.Ю.Богданов «Физика биологта қонақта» Наука, 1989

7. Н.И.Кошкин, М.Г.Ширкевич Элементар физика анықтамасы

1. Физика-10, авт. Б.Кронгарт, В.Кем, Н.Қойшыбаев

2. Т.И.Трофимов, Физика есептерінің жинағы

3. Физика, Талапкерге арналған оқулық-тест (2003-2007ж)

4. О.В.Янчевская. Физика схемада және кестеде

Қаралды: Тексерілді: Бекітемін:

ӘБ жетекшісі: оқу ісінің орынбасары: Мектеп директорының м.а:

Г.С.Акылбекова С.А.Дүйсенбаева С.А.Дүйсенбаева

______________ ___________________ ______________________