Рис –
күріш (д.д). Бір жылдық және көп жылдық шөптесін өсімдік. Бағалы жармалық дақыл. Өте ерте замандардан бері өсіріліп келеді. Көптеген түрлері бар.
Сахарная свекла –
қант қызылшасы (т.ө.). Тамыр-жемісті бағалы екпе дақыл.
Тамыр-жемісінің құрамында қант болады. Көптеген сорттары бар.
Сахарный тростник –
қант қамысы (т.ө.). Көп жылдық шөптесін өсімдік. Құрамында қант бар. Тропик және субтропиктік аймақта өседі. Жабайы түрлері де бар.
Свекла –
қызылша (т.ө). Бір жылдық және екі жылдық шөптесін өсімдік. Көкөністік, мал азықтық және техникалық (қантты) дақыл. Бағалы тамыр-жемісті өсімдікке жатады.
Смородина – қарақат (ж.ж.ө.). Бұта түрінде өсетін өсімдік туысы. Жидекті дақыл. Көптеген түрлері бар, оның екі түрі ғана қолдан өсіріледі. Қазақстанда қарақаттың 11 түрі өседі.
Смородина красная –
қызыл қарақат (ж.ж.ө.). Қарақаттың қолдан өсірілетін бір түрі. Жемісі қызыл түсті болады.
Смородина черная –
қара қарақат (ж.ж.ө.). Қарақаттың ең көп өсірілетін бағалы түрі. Оның көптеген сорттары бар.
Сорго –
қонақ жүгері, құмай (е.ж.ө.). Бір жылдық және көп жылдық шөптесін өсімдік туысы. Дәнді және бағалы мал азықтық дақыл. Жабайы өсетін түрлері де бар.
Сорго обыкновенное –
қонақ құмай (е.ж.ө.). Құмайдың ең көп таралған түрі.
Бір жылдық шөптесін өсімдік.
Хлопок, хлопчатник –
мақта, қоза (т.ө.). Мақта өсімдігі. Көп жылдық шөптесін және бұта өсімдіктер туысы. Бағалы тоқыма дақылы. Бір жылдық екпе дақыл ретінде төрт түрі өсіріледі. Қазақстанда өсірілетіні – кәдімгі мақта. Көптеген сорттары бар.
Чай –
шай. Үнемі көгеріп тұратын бұта немесе ағаш өсімдігі. Жапырағынан ішетін шай дайындалады.
Яблоня –
алма ағашы (ж.ж.ө.). Жемісті ағаш туысы. Жабайы өсетін және екпе түрлері бар. Екпе алманың көптеген сорттары шығарылған.
