Бастапқы лақтыру – алаң ортасында ойын басталғанда немесе қосымша уақыттың басында жасалады. Әр командадан 2 ойыншы орталық шеңберге тұрады, олардың әрқайсысы өз командасының қалқанына жақын орналасады. Ойыншы бір аяғын ортаңғы сызыққа жақындатып қояды. Төреші допты жоғары лақтырып, доп ең жоғары ұшу нүктесіне жеткенде екуі де жоғары секіріп, допты өздерінің серіктеріне қарай жіберуге тырысады.
Таласушы ойыншылар – ауадағы допқа 2 рет қана қол тигізе алады. Одан кейін, тек шеңбер сыртындағы ойыншының қолы тигеннен немесе еденнен, қалқаннан, себеттен ыршып түскеннен кейін ғана қол тигізе алады. Қалған сегіз ойыншы таласушылардың қолы допқа тигенше шеңберге кіре алмайды: егер қарсылас бір команданың екі ойыншысының арасында тұрғысы келсе, онда олар шеңбердің қасында қатарласып тұра алмайды.
