Байланысты: enbek kuk g zhane aleumettik kams zdand ru kuk g (2)
Еңбек құқығының рөлі, міндеттері жəне функциялары. Еңбек құқығы функцияларының бірі – қорғау функциясы. Сонымен қатар, еңбек құқығының рөлі өндірістің тиімділігіне жəне өсуіне, еңбек өнімділігін арттыруға, еңбек тəртібін нығайтуға, қызметкерлердің еңбек жағдайы мен тұрмысын жақсартуға жағдай жасаудан көрініс табады. Еңбек құқығының міндеттері, ең алдымен, еңбекті құқықтық реттеудің мақсаттарына – еңбектің тиімділігін арттыруға, еңбек жағдайының жоғары деңгейіне жетуге, қызметкерлердің құқықтарын жан-жақты қорғауға бағытталған. Еңбек құқығының функциялары – бұл еңбек құқығы нормаларының күшінің негізгі бағыттары. Оларға жоғарыда аталған реттеуші жəне қорғаушы функциялар жатады. Еңбек құқығының ерекше функцияларының қатарынан əлеуметтік, қорғаушы, шаруашылық-өндірістік, тəрбиелеу жəне өндірістік демократияны дамыту функцияларын атауға болады.
