БҰҰ ЕЭК ынтымақтастығы жөнінде Қазақстан Республикасы 1994 жылы 31 қаңтардан бастап БҰҰ Еуропалық Экономикалық Комиссиясының (БҰҰ ЕЭК) толық мүшесі болды.
Комиссия өз іс-әрекетін бес басымды салада жүзеге асырады. Олар: қоршаған орта, көлік, статистика, халықаралық сауда рәсімдерін оңайлату, экономикалық талдау.
Қазақстан Республикасы Көлік және коммуникация министрлігінің БҰҰ ЕЭК-пен ынтымақтастығының негізі Ішкі көлік комитетімен (ІКК) жұмыс болып табылады, оны жүргізу ережесі Еуропадағы ірі геосаяси өзгерістерден кейін 1993 жылы ІКК 55-ші сессиясында белгіленді.
Қазіргі уақытта Қазақстан көліктің барлық түрлері бойынша БҰҰ ЕЭК 12 халықаралық конвенциялары мен келісімдеріне қосылды. Қазақстан БҰҰ АТМЭӘК 48/11 резолюциясы ұсынған еуроазия қатынасына жер үсті тасымалдарының халықаралық заң негізін қамтамасыз етуге арналған жеті халықаралық құқықтық актілердің алтауына қосылды.
