Хим 125 ответ docx
Полимерлену жəне поликонденсация реакцияларының механизмі
жүктеу/скачать 417,73 Kb. Pdf көрінісі
|
хим 125 ответ.docx
- Бұл бет үшін навигация:
- 124. Пластмассалар, құрамы, құрылымы, құрылыста қолданылуы
| 123. Полимерлену жəне поликонденсация реакцияларының механизмі
Поликонденсация реакциялары -Поликонденсация реакцияларына, əдетте, қосфункциялы (бифункциялы) немесе көпфункциялы мономерлер катысады. Олар бір-бірімен əрекеттескенде, қарапайым кіші молекулалы затты (көбіне суды) бөле отырып бірігеді. Поликонденсация процесі сатылап жүреді: бір молекуладан кейін келесісі қосылып жалғасады. Аралық өнімдері — тұрақты қосылыстар, əрі қарай процесс барысында олардың үнемі белсенділігін арттырып отыру қажет. Ол үшін көбіне температураны жоғарылатады. Сонда əрекеттесуші заттарды біртіндеп қыздырғанда молекулалық массасы да өседі. Полимерлену реакциясы- Полимерлену реакциясы еселі (қос, үш) байланыстардың есебінен немесе тұйық тізбектердің ашылу салдарынан жүзеге асады. Мономерде реакцияға қабілетті бір топша болса жеткілікті. Полимерлену инициатордың əсерінен тізбекті процесс түрінде жүреді. Инициатор ретінде бос радикалдарға жеңіл айырылатын заттар қолданылады. Радикалдар мономер молекулаларын радикалдық түрге айналдырып, полимерленудің тізбекті реакцияларының басталуына себепші болады. Мысалы, стирол бензоил пероксидінің əсерінен полистиролға айналады. 124. Пластмассалар, құрамы, құрылымы, құрылыста қолданылуы Пластмассалар, пластикалық материалдар — құрамында бұйымдарды дайындау кезінде созылғыштық немесе жоғары иілгіштік, пайдалану барысында шыны тəріздес немесе кристалдық қалпын сақтайтын полимер бар материалдар. Пластмассалар шыны тəрізді немесе кристалды, созылғыштық қасиеті жоғары, атмосфера əсеріне тұрақты, мех. жағынан берік болады. Пластмассалардың кез келгенінің (шайыр мен қарамай негізді Пластмассаларды қоспағанда) түп негізін полимерлер құрайды. Мысалы, фенол-фармальдегидті Пластмассалар, поливинилхлоридті Пластмассалар, т. б. аталуы да Пластмассаларға байланысты алынған. Полимерлерден басқа Пластмассалардың құрамына пластификаторлар, толықтырғыштар, стабилизаторлар, бояғыш заттар енеді. Макромолекуласы сызықтық, тармақталған немесе торланған құрылымды болады. Пластмассалар гомогенді (бір фазалы) немесе гетерогенді (көп фазалы) материалдар болуы мүмкін. Гомогенді Пластмассаларда полимер материалдың қасиетін анықтаса, гетерогенді Пластмассаларда полимер байланыстырғыш қызметін атқарады, қалған құрам бөліктері өз бетінше жеке фазалар түзеді. Пластмассалар 4 топқа бөлінеді: 1. полимерлену өнімдері Пластмассалар (полиэтилен, полистирол, т.б.) негізіндегі Пластмассалар; 2. поликонденсациялану (полиамидтер, полиэфирлер, т.б.) негізіндегі Пластмассалар; 3. хим. модификацияланған табиғи полимерлер негізіндегі Пластмассалар (протеин, целлюлоза, галалит); 4. табиғи жəне мұнай асфальттары мен шайыр негізіндегі Пластмассалар Сонымен қатар термопластик. жəне термореактивті Пластмассалар болады. жүктеу/скачать 417,73 Kb. Достарыңызбен бөлісу:
|