Тәжірибе барысы: Алты цилиндрді немесе сынауықты 50%-дық натрий силикатының (сұйық шынының) ерітіндісіне толтырады. Оның біріншісіне – темір (ІІІ) хлоридінің бірнеше түйірін салады, ал екіншісіне – мыс (ІІ) хлоридінің, үшіншісіне – кобальт хлоридінің, төртіншісіне – никель (ІІ) хлоридінің, бесіншісіне – марганец (ІІ) хлоридінің, ал алтыншысына – алюминий хлоридінің кристалдарын салынады.
Б іраз уақыттан кейін цилиндрлерде әр түрлі бояулы әсем «балдырлар» өсе бастайды. Темір тұзы салынған цилиндрде – қоңыр «балдыр», кобальт тұзында - көкшіл, алюминий тұзында – түссіз «балдыр», т.т. өседі. Неліктен бұлай болады? Натрий силикатына салынған тұз түйіршіктері онымен әрекеттесіп қосылыс түзеді. Ол қосылыс жұқа қабықшамен қапталады, диффузияның әсерінен оның ішіне енген су қысымының әсерінен жұқа қабықша кеңейіп жарылады. Оның тесігінен тұз ерітіндісі еніп, айналасындағы ерітіндіні қайтадан жұқа қабықша жабады, одан кейін жұқа қабықша қайта жарылып, оған тұз ерітіндісі қайта еніп, бұтақталған «балдырлар» өсе береді. Осындай жолмен біртұтас «орман» өсіруге болады. Ол үшін үлкен шыны сауытты 50%-дық натрий силикатының ерітіндісіне толтырып, оған көрсетілген тұздардың түйіршіктерін бірінен соң бірін кезегімен салады.
