І. Мектептің педагогикалық ұжымының әдістемелік қызметін талдау
жүктеу/скачать 1,85 Mb.
|
жоспар әдістеме 2018ж
Оқушы жағдайын ескере, ата-анасымен келісе отырып сабақ кестесі жасалды, сабақтардың уақтылы өткізілуі, журналдың жүргізілуі қадағаланды. Үйде оқыту жағдайы тексеріліп, 2 рет педагогикалық кеңесте қаралды. Үйде оқытылатын оқушылар денсаулық жағдайына байланысты аралық емтиханнан босатылды. 11 сынып түлектерінің жалпы орта (толық) білім беру курсына мемлекеттік (қорытынды) аттестацияға дайындық жұмыстарына талдау. Мемлекеттік қорытынды емтихан және ҰБТ-ға дайындық жұмысы нұсқаулыққа сәйкес жоспар жасалып, іс-шаралар жүргізілді. Оқушыларға және олардың ата–аналарына жаңа форматтағы ҰБТ, мемлекеттік қорытынды емтихан туралы хабарламалар сынып жиналысында, жалпы ата–аналар жиналысында, қабырға газеттері және интерактивті сабақ арқылы беріліп отырды. Мектепте ҰБТ, мемлекеттік қорытынды емтиханға дайындық жұмысы сапалы жүргізу үшін, пән мұғалімдері, сынып жетекшілері және әкімшілік тарапынан ата–аналармен тығыз жұмыс жасап, психологиялық-педагогикалық жағдайлар жасалуда. Жасалған жоспарға сәйкес ҰБТ, мемлекеттік қорытынды емтиханға дайындық жұмыстар педагогикалық кеңес отырысында, әкімшілік-әдістемелік кеңесінде, өндірістік кеңестерде қаралып отырды. 14) Мектеп ұжымы Тараз педагогикалық институтымен байланыста жұмыс істейді. Мұғалімдер ТарМПИ–дің ұйымдастыруымен өткізілген республикалық конференцияларға, семинарларға, байқауларға қатысып отырады. 20 қаңтар 2017жылы ТарМПИ-да өткен «Ұлы Дала елі құндылықтары және ғаламдық білім беру индустриясындағы интеграция» республикалық ғылыми-практикалық конференциясына мектептегі 12 мұғалім қатысып, сертификат иеленді, баяндамалары конференцияның әдістемелік жинағына енді. Мұғалімдер авторлық бағдарлама жасауда, ғылыми жоба тақырыбын таңдауда пединститут оқытушыларынан кеңес алып отырады. Ағылшын тілі пәні мұғалімі А.Кулыбекова ТарМПИ-де «Ақпараттық-коммуникативтік технологиялар, оқытудың белсенді әдістері, ғылыми зерттеу методологиясы, онлайн-фаза» тақырыбында өткен «Жазғы мектеп» курсына қатысып, білім жетілдірді. Бастауыш сынып мұғалімдері С.Тауасарова мен А.Мырзакасымова 2017 жылы 10 ақпан айында ТарМПИ-де өткен «Оқыту мен тәжірибе фестиваліне» қатысып сертификат иеленді. 15) Оқушылардың білім сапасын көтеру үшін пән кабинетінің материалдық базасы да мол болуы тиіс. Осы мақсатта мектепте «Үздік кабинет» байқауы жоспарға енгізілген. Пән кабинеттерінің жабдықталуы тексеріліп, ескертулер бойынша кабинеттерде жаңаша безендірулер жүргізілді. Сынып бөлмелеріне қойылатын талаптар сақталған: бастауыш сыныптар, қазақ тілі мен әдебиеті, тарих, АӘД кабинеттерінде тақтаның оң жағында Қазақстан Республикасының мемлекеттік рәміздері ілінген. оқу кабинеттерінде «Сынып бұрышы», «Денсаулық бұрышы» жабдықталған. Химия, физика, биология кабинеттерінде зертханалары бар. Бұл кабинеттер жоғары қабатта орналасқан және көшеге шығатын есігі бар баспалдаққа жақын. Физика және химия зертханалары кабинетке қосылған, екі шығатын есігі бар: сынып бөлмесінен - зертханаға және дәлізге. Кабинеттер интерактивті тақтамен, қажетті оқу құралдарымен жабдықталған. Химия пәні кабинетінде Д.Менделеевтің периодтық жүйесі, металдардың активтілік қатары және тұздардың ерігіштік кестесі ілінген. Барлық кабинеттерде медициналық қобдиша, информатика, химия және физика кабинеттерінде өрт сөндіру құралдары бар Физика пәні кабинетіне астрономиялық бұрыштама құру қажет. АӘД кабинеті, оқу қарулары мен құралдарын сақтауға арналған темір есік пен сигнал берушімен жабдықталған бөлме бар. Әскери-патриоттық тәрбиелеуге байланысты іс-шараларды өткізу үшін әскери құрмет бұрышы мектеп музейінде жабдықталған.. Мектепте бір лингофон кабинеті (ағылшын, орыс), бір мультимедиалық кабинет (қазақ тілі) бар. Барлық сынып кабинеттерінде моноблок пайдаланылады. Мектептің оқу-өндірістік шеберханасы төмендегі станоктармен жабдықталған: оқу қайрақтары , бұрғылау үстелі, токарлық-бұранда кескіш, ағаш кесу бойынша токарлық , электр қайрақ Еңбекке қызмет ету кабинеті: магниттік үш жармалы сынып тақтасы, асханалық ыдыс-аяқ, асханалық сервиз, тігін машинкасы, тігін өнімдерін пішуге арналған партамен жабдықталған, бірақ салқын және ыстық су жуғышы жоқ Жыл сайын «Үздік кабинет» байқауы өткізіліп тұрады Химия, биология, физика, орыс тілі, информатика, география, кабинеттері талапқа сай жабдықталған. Сабаққа қажетті құрал-жабдықтар, көрнекі материалдар жүйеге келтіріліп, тізімделген. Бастауыш сыныптардағы 6 кабинет және мектепалды даярлық топтарында кабинеттерінің безендірілуі толығымен жаңартылды. Барлық кабинеттерде безендіру жұмыстары жаңаша жүргізілді, бірақ лингофон кабинетінде жаңаша жабдықтау жүргізілген жоқ. Төмен деңгейдегі осы №4, №8, №12, №13 пән кабинеттері. Бұл кабинеттердің жетекшілеріне кабинеттің безендірілуін, жабдықталуын қолға алу міндеттелді. Мектепте 5 кабинет интерактивті тақтамен жабдықталған. Мұғалімдердің 80% -ы интерактивті тақтаны пайдаланудың арнайы курсынан өткізілген. Мектепте «Үздік кабинет» байқауының қорытындысы бойынша №3 география, №10 физика, №14 химия Электронды оқыту жүйесі бойынша мектебіміз 30 моноблок, 17 ноутбук, 25 компьютер, 2 жылжымалы проектор және музыкалық подиуммен жабдықталынды. Сонымен қатар, бір мультимедиалық кабинет, 1 лингофон кабинеті ашылды. Бұл кабинеттерде қазақ, орыс және ағылшын тілдерінде тыңдалым, оқылым, жазылым бойынша жаңа форматтағы тапсырмалармен жұмыс жасауға мүмкіндік жасалған. Бағдарламалық қамтамасыз ету басқаруды, бақылауды және оқушылармен қарым-қатынас жасауды, сонымен қатар мұғалімге толық бақылауды қамтамасыз ететін мүмкіндіктері бар. Электронды оқыту жүйесі арқылы мектептің цифрлық білім беру ресурстарымен, жылдамдығы 4-10 Мбит/с болатын кеңжолақты «ID-Net» интернетімен, оқу процесін және статистиканы толық автоматтандыруға (электрондық журнал, кітапхана, сабақ кестесі, күнделік, ата-аналарға sms арқылы хабарлау), қол жеткізіп отыр. Енді «Күнделік.kz» электронды журнал, электронды күнделік, «sms- хабарлау» жүйесі сияқты ұғымдар пайда болды. Олар арқылы ата - аналар өз баласының мектептегі өмірі туралы көбірек біле алады. Мұғалімдер мен оқушылар әлемдегі ең жақсы білім беру ресурстарына және оқыту технологияларына қол жеткізуге үлкен мүмкіндікке ие болып отыр. Интернетке қосылған компьютерлер туралы мәлімет
Мектеп әкімшілігі (директор, орынбасар, хатшы) пайдаланатын компьютерлер
Жалпы қорыта айтқанда, мектеп әдістемелік кеңесі 2016-2017 оқу жылында алдына қойған мақсаттары мен міндеттеріне сай жұмыстар атқарды. 2017-2018 оқу жылында туындаған мәселелер: мұғалімдердің шығармашылық тақырыбы бойынша жұмысы төмендігі, авторлық бағдарламалар, жинақтар аздығы дарынды оқушылармен жұмыста зерттеу-ізденушілік бағыттағы жұмыстардың жетімсіздігі; Интернет, қашықтық олимпиада, байқауларда оқушылар, мұғалімдер айтарлықтай нәтиже көрсете алғанмен, пәндік олимпиада, ғылыми жоба байқауларында нәтижелер аздығы; жаңартылған білім беру мазмұнын енгізу барысындағы өзгерістерді кейбір мұғалімдердің толық түсіне алмауы оқушылардың білімін қорытынды бағалау кезінде жаңа бағдарламаға сай жаңа формат бойынша дайындалған тапсырмалар, бақылау, тест жұмыстарының жетімсіздігі Аталған мәселелерді ескере отырып жаңа оқу жылына төмендегідей ұсыныстар беріліп отыр: жоғары оқу орындарымен тығыз байланыс жасай отырып, оқушылардың зерттеу-ізденушілік бағытындағы жұмыстарын дамыту; пәндік олимпиадаға, ғылыми жобаға дайындықтың тиімді тәсілдерін қарастыру; мұғалімдердің шығармашылық кезеңдер жоспары бойынша жұмыстарының жүйелі жүргізілуін, өз іс-тәжірибесін өзіндік жұмыстары(авторлық бағдарлама, жинақтар, әдістемелер) арқылы жинақтап, қорытындылауын қолға алу мұғалімдердің шығармашылық тақырыбы бойынша жұмыстарын жаңартылған білім беру мазмұнын енгізу бағытында жүргізіп, жаңа форматтағы тапсырмалар жинағын дайындауға көңіл қою жаңа технологияларды тиімді қолдана отырып, білім сапасын арттыру Мектеп директоры М.Досмаханұлы Дайындаған: А.С.Кулыбекова / директордың оқу-әдістемелік ісі жөніндегі орынбасары/ жүктеу/скачать 1,85 Mb. Достарыңызбен бөлісу:
|