Инженерлік сызба
Көрініс бөлігі мен тілік бөлігін біріктіру
жүктеу/скачать 3 Mb. Pdf көрінісі
|
Сызу оқулық
- Бұл бет үшін навигация:
- Жергілікті тіліктер
- Күрделі тіліктер
| Көрініс бөлігі мен тілік бөлігін біріктіру
Сызбада бір кескінге көрініс бөлігі мен тілік бөлігін біріктіріп орындауға болады. Мұндай жағдайда көрінбейтін контур сызықтары сызылмайды. Егер көрініс және оның орнына орындалатын тілік симметриялы фигуралар болса (2.11 сурет), онда тілік бөлігі мен көрініс бөлігі симметрия осі болып табылатын үзік нүктелі сызықпен бөлініп тұрады. Тілік бөлігі симметрия осінен оңға қарай (2.11, а сурет) немесе төмен қарай (2.11, б сурет) орналастырылады. Симметриялы тілік бөлігі мен көрініс бөлігін біріктіргенде симметрия осімен қандай да бір сызық (мысалы, қыры 2.13 сурет) беттессе, онда көріністі тіліктен симметрия осінен солға (2.13, а сурет) немесе оңға (2.13, б сурет) 15 қарай бөліп тұратын жіңішке ирек сызықпен бөліп көрсетеміз. Жергілікті тіліктер Қарапайым тіліктерге жергілікті тілікті де жатқызуға болады. Нәрсенің жекелеген шектеулі жерінің пішінін көрсету қызметін атқаратын тілік – жергілікті тілік деп аталады және көріністе тұтас ирек сызықпен шектеледі. Бұл сызық кескіндегі басқа сызықтармен беттеспеуі керек (2.14 сурет). Күрделі тіліктер Екі немесе одан да көп қиюшы жазықтықтармен алынған тіліктер күрделі тіліктер деп аталады. Күрделі тіліктерді орындау кескіндер санын азайтуға мүмкіндік береді, себебі бір көрініске бірнеше қиюшы жазықтықтар қолдана отырып, оның әр бөлігіндегі ішкі формасын анықтай аламыз. Қиюшы жазықтықтардың орналасуына қарай тіліктер сатылы сынық болып бөлінеді. Олар да қарапайым тіліктер сияқты горизонталь, фронталь және профиль болады. Күрделі тіліктерде сатылы және сынық тіліктер қатар қолданылуы мүмкін. Сатылы тіліктер өзара параллель қиюшы жазықтықтармен (2.15 сурет), ал сынық тіліктер 90º-қа тең емес 16 қиылысқан жазықтықтармен орындалады (2.16 – 2.18 суреттер). Кескіндерді бұрмаланусыз шартты түрде көрініс жазықтығына параллель жазықтыққа беттестіреді. Мұндайда бұру бағыты (2.17 сурет) қарау бағытымен сәйкес келмеуі де мүмкін. Қиюшы жазықтықтарды бұрғанда оның артындағы нәрсе элементтерін бұрудың қажеті жоқ. Олар бастапқы күйінде сәйкес жазықтыққа проекцияланып алынады (2.18 сурет). жүктеу/скачать 3 Mb. Достарыңызбен бөлісу:
|