Педагогикалық технологиялар жайлы еңбектерді зерделей отырып, оның төмендегідей елеулі белгілерін атауға болады:
Педагогикалық технологиялар жайлы еңбектерді зерделей отырып, оның төмендегідей елеулі белгілерін атауға болады:
технология нақты бір педагогикалық бағытпен зерттеліп даярланады, оның негізінде алға қойған мақсатқа жетудің нақты ережесіне қол жеткізетін автордың немесе ұжымның құндылық бағдары мен мақсаты жатқызылады;
педагогикалық технология алға қойылған мақсатқа сәйкес құрылады, ол нәтижеге жетуді қамтамасыз етуге тиісті;
педагогикалық технология элементтерін кез-келген мұғалім өзіндік тәжірибесіне және оқушылардың жеке
ерекшеліктеріне сай, кезеңдеп жүйелі түрде жүзеге асыруы қажет;
педагогикалық технологияның негізгі бөлігі оқытудың аталмыш стратегиясына сәйкес, іс-әрекет нәтижесін айқындаудың критерийлері мен құралдарын анықтайтын диагностикалық тәсілдер болып табылады.
Инноватика, инновация ұғымдары
Негізінен "инноватика" ұғымының мәні, латынның in-novus деген сөзінен шыққан, "жаңарту, өзгерту" мағынасын береді.
Инновация мәселелерімен айналысып жүрген бірқатар ғалымдардың еңбектерінен олардың берген анықтамаларын талдай келе біз бұл ұғымның төркінін белгілі уақыт арасында жаңашыл идеяны қайта қарау, жаңалау деп айтқанды жөн көреміз. Жалпы алғанда, бұрыннан белгілі қолданыста жүрген идеялар жаңа бағытта ұсынылса, мұның өзін инновациялық деп қарастырады. Олай болса, «инновация» деген ұғымды "жаңалық", "жаңа әдіс", "өзгеріс", "әдістеме", "жаңашылдық", ал инновациялық үдерісті "жаңа әдістеме құралы" деп түсіндіруге болады.
Танымал педагогикалық технологиялар
Педагогикалық технологиялар түрлері өте көп, оларды түрлі белгілеріне қарай жіктейді. Қазіргі таңда ең көп қолданылатын технологиялар төмендегідей:
