Фармацевтика секторының кірістері мен табыстарының ЖІӨ-ге әсері артып келеді. 2019 жылдың қорытындысы бойынша сатудың жалпы көлемі 2 триллион АҚШ долларынан асты – бұл әлемдік ЖІӨ-нің шамамен 1,4% - ы. 116 елдің экспортталатын дәрі-дәрмектерін жаһандық сату құны 392,9 млрд. долл. болды. Бұл ретте халықтың жұмыспен қамтылуы 4,4 млн. адамды – планетаның еңбекке қабілетті халқының 0,1%-ын құрады.
Ғылыми зерттеулерге салынатын инвестициялардың 150 млрд. АҚШ долларынан асатын ауқымын атап өту қажет, бұл ретте нарық кірісінің 20% R&D-орталықтарын әзірлеуден құралады, соның нәтижесінде жыл сайын 30-дан астам жаңа молекула жаһандық нарыққа шығады.
"IQVIA" халықаралық талдау компаниясының деректері бойынша Үздік-10 ел әлемдік фармацевтикалық нарықтың жалпы құнының 79,5% - ын айқындайды, онда 2019 жылдың қорытындысы бойынша рейтингті нарық көлемі 501,2 млрд. АҚШ долларын құрайтын АҚШ басқарады (2-сурет).
