Жағдайлық есептер: Зерттеуші жұғын препарат дайындауда заттық шыныға дистилденген су тамшысын тамызып оған тәуліктік агар дақылын қосып араластырып, жұғынды кептірді, оттықта бекітті. Микроскопияда бактерия көрінбеді. Себебін түсіндіріңіз.
S.aureus және E.coli қоспаларынан алынған, Грам әдісімен боялған жұғынды микроскопиялағанда шар және таяқша тәрізді қызыл жасушалар анықталған. Суреттің біркелкілігінің себебін көрсетіңіз.
Зерттеуші волютин дәндерін анықтау үшін Ожешко әдісін қолданды. Микроскопиялау кезінде жасушада қызыл қосындылар анықталды. Аталған әдіс қандай бояу әдісіне жатады.Әдіс дұрыс таңдалған ба?
Анаэробты бактерияны өсіру үшін зерттеу материалын Петри табақшасындағы етті-пептонды агарға егіп термостатқа қойды. Зерттеу нәтижесінде жіберілген қателіктерді көрсетіңіз.
