Жамбыл облысы әкімдігінің білім басқармасы жалпы орта білім беретін мектептердің 8 сынып оқушыларына арналған «Туған өлке тарихы»

Баспаға Жамбыл облысы әкімдігі білім басқармасының оқу-әдістемелік кабинетінің Әдістемелік кеңесінің 2017 жылғы 29 тамыздағы №3 хаттамасының шешімімен ұсынылған.

«Туған өлке тарихы» курсының оқу бағдарламасы. Тараз, 2017. – 9 бет.
Жалпы білім беретін мектептердің 8 сынып оқушыларына арналған «Туған өлке тарихы» курсы білім алушылардың туған өлкенің қалыптасуы мен дамуын кешенді сипаттайтын тарихи, археологиялық, мәдени білімдерін қалыптастыруға бағытталған.

© Облыстық оқу-әдістемелік кабинеті, 2017

1.Түсіндірме жазба

Жалпы білім беретін мектептердің 8 сынып оқушыларына арналған «Туған өлке тарихы» курсын құрастыру барысында Қазақстан Республикасының Президенті Н.Ә. Назарбаевтың «Болашаққа бағдар: рухани жаңғыру» бағдарламалық мақаласы, Қазақстан Республикасында білім беруді және ғылымды дамытудың 2016-2019 жылдарға арналған Мемлекеттік бағдарламасы, «2017-2018 оқу жылында Қазақстан Республикасының жалпы орта білім беретін ұйымдарында оқу процесін ұйымдастырудың ерекшеліктері туралы» әдістемелік нұсқау хат басшылыққа алынды.

Курстың мақсаты – оқушылардың туған өлкенің қалыптасуы мен дамуын кешенді сипаттайтын тарихи, археологиялық, мәдени білімдерін қалыптастыру, тарихи ескерткіштері мен мәдени нысандары туралы дерекнамалық мәліметтерді жинақтау. «Туған өлке тарихы» курсының оқу жүктемесі аптасына бір сағат, жылына 34 сағат.

Оқу курсының міндеттері:

• 
  оқушылар бойында ежелгі дәуірден бастап қазіргі уақытқа дейінгі туған жер аумағында болып жатқан тарихи процестердің негізгі кезеңдері мен ерекшеліктері туралы білімдерін арттыру;
  
• 
  оқушылардың Қазақстан тарихы, география, және қазақ әдебиеті пәндері сабақтарында алынған білімдері мен дағдыларын кеңейту, тереңдету;
  
• 
  туған өлкенің тарихи-археологиялық ескерткіштері мен мәдени кешендері туралы мәліметтер қорын әзірлеу;
  
• 
  өлкенің тарихи, мәдени және әдеби мұралары мен өңір мақтанышына айналған тұлғалар туралы білімдерін кеңейту;
  
• 
  оқушыларды туған өлкенің бірегей тарихы мен мәдениетіне деген құрмет сезімдеріне тәрбиелеу және оларды қорғауға жауапкершіліктерін арттыру;
  
• 
  жалпы білім беретін мектеп оқушыларының зерттеушілік дағдыларын қалыптастыру.
  

• 
  тарихи-мәдени ескерткіштердің өлке тарихы үшін маңыздылығын ұғыну;
  
• 
  туристік маршруттарды құрастырудың алғашқы дағдыларын меңгеру;
  
• 
  туған өлкенің жылнамасын құрастыру, білу;
  
• 
  өлкенің тарихи атауларының мағынасын білу, түсіну;
  
• 
  туған өлке тарихының тірі куәгерлерін білу;
  
• 
  туған өлке халқының қалыптасу тарихын білу;
  
• 
  туған жеріндегі ұлттардың салт-дәстүрін білу және құрметпен қабылдау.
  

Қорытынды. Зерттеу жобаларын әзірлеу. Әдістемелік материалдар, оқу-әдістемелік кешендер мен жинақтарды құрастыру. Бұқаралық ақпарат құралдарына мақалалар жариялау.

1. 
   Қазақстан Республикасының Президенті Н.Ә.Назарбаевтың 2017 жылғы 12 сәуірдегі «Болашаққа бағдар: рухани жаңғыру» мақаласы.
   
2. 
   Қазақстан Республикасының білім беруді және ғылымды дамытудың 2016-2019 жылдарға арналған мемлекеттік бағдарламасы.
   

4. Гумилев Л. Көне түріктер. – Москва, 1993.

5. Жолдасбайұлы С. Ежелгі және ортағасырдағы Қазақ елінің тарихы. – Алматы, 2010.

6. Қозыбаев М.Қ. Қазақ тарихы – Дала өркениетінің құрамды бөлігі // Отан тарихы. 1998.

7. Қазақстан тарихы орта ғасырдан бүгінгі уақытқа дейін. Очерк. – Алматы, 1993.

8. Қазақстан тарихы жаңа дәуірден бүгінгі уақытқа дейін. Бес томдық. – Алматы, 1996.

9. Маданов Х. Қазақ халқының арғы-бергі тарихы. – Алматы, 1995.

10. Мусин Ч. Қазақстан тарихы. – Алматы, 2008. - 640 б. 

11. Назарбаев Н.Ә. Тарих толқынында. Алматы, 2010.

12. Орунбаев М. Тараз – Алматы. – Алматы, 2003.

13. Рысдәулет М. Ескерткіштер – ел тарихы. – Алматы, 2011.

14. Тараз Жібек жолының інжу-маржаны. – Алматы, 2014.

15. Тараз. Жамбыл облысының энциклопедиясы. – Алматы, 2003.