Алдын-ала дайындық. Жұмысқа түтікшедегі катионитті дайындайды. Ол үшін ыдысқа тұз қышқылының ерітіндісін (Сэ(HCl) = 0,1) құяды. Кранды 1 мин 20 тамшы ерітінді құйылу үшін реттейді. Регенерация катиониті үшін 50 мл немесе ерітіндісі қажет. Жұмыс барысында катионит ұнтақтары сұйықпен жабық болуын қарастыру қажет. Қышқылды өңдеп болғаннан кейін катионитті жақсылап дистилденкен сумен жуады. Құбырдан (колонка) аққан сұйықтық қышқылдық орта бермегенше жуу процесін қайталайды. Ол үшін бөлінген сұйықтықтан шыныға бірнеше тамшы тамшылатып және оған бір тамшы метилоранж индикаторын қосады. Қызғылт түске боялмаса, ионит дұрыс жуылды деп есептеледі. Содан кейін барлық су жуындыларын төгеді. Осылайша дайындалған катионит анализге дайын.
