Желсіз түнде жарық ай, Сәулесі суда дірілдеп



Дата28.03.2020
өлшемі13,12 Kb.
#60942
Байланысты:
Желсіз түнде жарық ай,


Желсіз түнде жарық ай,
Сәулесі суда дірілдеп,
Ауылдың жаны терең сай,
Тасыған өзен күрілдеп.

Қалың ағаш жапырағы


Сыбырласып өзді-өзі,
Көрінбей жердің, топырағы,
Құлпырған жасыл жер жүзі.

Тау жаңғырып, ән қосып


Үрген ит пен айтаққа.
Келмеп пе едің жол тосып
Жолығуға аулаққа?

Таймаңдамай тамылжып,


Бір суынып, бір ысып,
Дем ала алмай дамыл қып,
Елең қағып, бос шошып.

Сөз айта алмай бөгеліп,


Дүрсіл қағып жүрегі,
Тұрмап па еді сүйеніп,
Тамаққа кіріп иегі?


Jelsіz túnde jaryq aı,

Sáýlesі sýda dіrіldep,

Aýyldyń jany tereń saı,

Tasyǵan ózen kúrіldep.


Qalyń aǵash japyraǵy

Sybyrlasyp ózdі-ózі,

Kórіnbeı jerdіń, topyraǵy,

Qulpyrǵan jasyl jer júzі.


Taý jańǵyryp, án qosyp

Úrgen ıt pen aıtaqqa.

Kelmep pe edіń jol tosyp

Jolyǵýǵa aýlaqqa?


Taımańdamaı tamyljyp,

Bіr sýynyp, bіr ysyp,

Dem ala almaı damyl qyp,

Eleń qaǵyp, bos shoshyp.


Sóz aıta almaı bógelіp,

Dúrsіl qaǵyp júregі,

Turmap pa edі súıenіp,

Tamaqqa kіrіp ıegі?




Достарыңызбен бөлісу:




©engime.org 2024
әкімшілігінің қараңыз

    Басты бет