5 - апта: 1 кредит сағат Практикалық сабақ тақырыбы:Маманды қалай таңдайсыз? Практикалық сабақ мазмұны: Сіз – кәсіпорын басшысыз. Мекемеңіздегі бос қызмет орнына лайықты маман таңдап алуыңыз керек. Жоғары оқу орнын бітірген бірнеше жас маман жұмысқа орналасуға тілек білдірді. Олардың бірін іріктеп, таңдап алу үшін әңгімелесу-сұхбат әдісін пайдаланып көріңіз.
Әңгімеңізді алдын-ала дайындалған сауалнама түрінде өткізуге болады. Дайын сұрақтарға дәл, анық, біілікті жауап берген жас маман Сіздің назарыңызды аударуы мүмкін.
Сұхбат кезінде жұмысқа кандидатқа ресми және бейресми тақырыптар бойынша сұрақтар қойыңыз. Алуан мәселелр төңірегінде әңгімелесе отырып, Сіз жас маманның ой-өрісін, білімін, мінез-құлқының ерекшеліктерін біршама байқайсыз.
Жұмысқа алуға өтініш білдірген жас маманға қандай да бір проблеманы шешуді ұсынып көріңіз. Бұған, әрине, жас маман қысылып, дағдарып қалуы да мүмкін, дегенмен бұл арқылы сіз тәуекелшіл, батыл, өз пікірін анық айта алатын кадр таңдай аласыз.
