Жұмыс бағдарламасы Ұйым стандарты пму ұС 18. 2/06 Қазақстан Республикасы білім және ғылым министрлігі С. Торайгыров атындағы Павлодар мемлекеттік универститеті Психология және педагогика кафедрасы

Кіріспе

Педагогика - адамзаттың тәжірибесін мақсатқа бағытты беру процесі және жас ұрпақты өмір мен іс-әрекетке даярлау жөніндегі ғылым.

Педагогика философияның қойнауынан шыкты, дамудың өте ұзақ жолынан өте отырып, қазіргі кезде адам тәрбиесі жөніндегі саласындағы күрделі ғылымга айналды, басқа ғылыми пәндермен тығыз байланысты.

Педагогика адамды оқыту мен тәрбиелеудің заңдылықтары, принциптері, мәні, мазмұны, әдістері мен түрлері жөніндегі ғылым ретінде көрінеді.

Курстың объекті - жалпы білім беретін мектептің педагогикалық процесі.

«Педагогика» курсының пәні - педагогиканың әдіснамалық негіздері, категориялары, түсініктері, заңдары, заңдылыктары, принциптері, мазмұны, мәні, мектептегі тәрбие мен оқытудың әдістері және формалары, тұлғаны қалыптастыру, мектептегі педагогикалық процестің диагностикасы.

Бұл курстың құрылымы төмендегідей логикаға бағынады.

Бірінші бөлім - педагогиканың ғылыми-әдіснамалық негіздерін, тәрбиенің мәнін, тәрбиенің мақсатын, балалардың жас ерекшелігіне сай дамуының сипаттамасын, тұлғаның қалыптасуының сипатын окытатын педагогиканың жалпы негіздері.

Екінші бөлім - тәрбие процесінің теориялық негіздемесін, мазмұндык сипаттамасын, заңдылықтары мен принциптерін, әдістерін, тәрбиенің кұралы мен түрлерін, тәрбиенің жаңа технологиясын теориялық негіздеуді камтиды.

Үшінші бөлім оқушыларды оқыту процесіне арналған. Бұл жерде қазіргі орта білім берудің даму тенденциялары, оқытудың мәні, орта білім берудің мазмұнын таңдау принциптері, оқытудың заңдылықтары мен принциптері, әдістері, құралдары мен формалары, оқушылардың білім, білік, дағдыларын бақылау және бағалауды жүзеге асыру айқындалады.

Курсты оқу оқытудың хабарламалық-дамытушы, проблемалық-ізденіс, репродуктивті және шығармашылық-репродуктивті әдістерін пайдалана отырып, лекция, семинар, тәжірибелік жұмыс, мұғалімнің басшылығымен студенттің өзіндік жұмысы барысында жүзеге асады.

Хабарламалық-дамытушы әдістер: лекция, әңгіме, түсіндіру, оқу фильмдерін көрсету, педагогикалық әдебиеттермен, білім беру бағдарламаларымен өзіндік жұмыс.

Проблемалық-ізденіс әдістері: оқу материалын проблемалы баяндау, эвристикалық әңгіме, пікірталас, зерттеу жұмысы, кіші топтарда студенттердің ұжымдық ойлау іс-әрекеті, лабораториялық ізденіс жұмыстары.

Репродуктивті әдістер: оқу материалын мазмұндау, үлгіге байланысты тапсырмаларды орындау.

Шығармашылық-репродуктивті әдістер: педагогикалық тақырыптарға творчестволық шығарма жазу, кроссвордтар құрастыру, педагогикалық жағдайларды талдау, іскерлік ойындар, педагогикалық міндеттерді шешу.

Студенттердің өзіндік жұмыстарының формалары: педагогикалық сөздік жүргізу, түпдеректерді конспектілеу, аннотациялау, педагогикалық әдебиеттерді рецензиялау.

Педагогика курсын табысты меңгеру студенттердің өзіндік жұмыстарының болуын қажет етеді, пәнді оқу емтихан тапсырумен және курстық жұмысты орындаумен аяқталады.

Бұл курсты оқу студенттерге төмендегідей мүмкіндік береді:

• 
  тәрбие мен окытудың ғылыми негіздерін, педагогиканың негізгі категорияларын, оның құрылымын, мектептегі оқу-тәрбие процесін құрудың психологиялық-педагогикалық ерекшеліктерін, қазіргі кездегі педагогика ғылымының даму тенденцияларын меңгеруге;
  
• 
  өзіндік педагогикалық көзқарасты қалыптастыруға;
  
• 
  болашақ маман араласатын шын педагогикалық іс-әрекетті одан әрі жетілдіру және өздігінен білім алу үшін негіз жасауга.
  

• 
  болашак мамандарды педагогиканың әдіснамалық негіздерімен таныстыру;
  
• 
  студенттерде тұтас педагогикалық процесс жөнінде педагогикалық білімдер жүйесін калыптасыру;
  
• 
  білім беру жүйесінің дамуын, тәрбие мен оқытудың мазмұнын ғылыми негіздеу;
  
• 
  педагогикалық ойлауын қалыптастыру.
  

• 
  педагогиканың әдіснамалық негіздерін;
  
• 
  тәрбие мен оқыту процесінің іргелі идеяларын, тұжырымдамаларын, заңдарын, заңдылыктарын және принциптерін;
  
• 
  педагогиканың негізгі категорияларын және түсініктерін;
  
• 
  педагогикалық теориялар мен мектеп тәжірибесінің диалектикалық өзара байланысын;
  
• 
  оқыту мен тәрбиелеудің мәнін, мазмұнын, формалары мен әдістерін;
  
• 
  оқыту мен тәрбиелеудің жаңа педагогикалық технологияларының мәнін;
  

• 
  педагогикадан алған білімдерін тәжірибеде өздігінен қолдануды;
  
• 
  мектептегі педагогикалық процесті жобалауды және жүзеге асыруды;
  
• 
  оқушыларды тәрбиелеу және оқыту мақсаттары мен міндетгерін аныктауды;
  
• 
  оқушылардың ойлау іс-әрекетін белсендіретін тәсілдерді;
  
• 
  окыту мен тәрбиелеудің жаңа педагогикалық технологияларын тәжірибеде пайдалануды.
  

Курстың көлемі оқу жоспарымен келісілген 5 кредиттен тұрады, яғни 225 сағатқа (СӨЖ, СӨМЖ бірге) теңеледі. Межелік бақылаудың саны - 4. Соңғы бақылаудың формасы - емтихан.