К., Касенова Н. Б. Бейорганикалық химиядан зертханалық жұмыстар
Өзін өзі бақылауға және зертханалық жұмыстарды қорғауға арналған сұрақтар
жүктеу/скачать 2,71 Mb.
|
Бейорганикалық химиядан зертханалық жұмыстар методичка
| Өзін өзі бақылауға және зертханалық жұмыстарды қорғауға арналған сұрақтар:
1.Салыстырмалы молярлық масса дегеніміз не және оны қалай анықтайды? Екі мысал келтіріңдер. 2.Молярлық масса дегеніміз не? Оның өлшем бірлігі, 3-4 мысал келтіріңдер. 3.Авогадро заңы және оның салдары. 4.Газдың молярлық көлемі деген не? 5.Менделеев-Клапейрон формуласын келтіріңдер. 6. Реалды газдардың идеалды газдан айырмашылығы неде? Қандай жағдайда реалды газдарды идеалды газ ретінде қарастыруға болады? 7. а) Бойль-Мариот тұжырымдамасын келтір. б) 5 л көлем алатын газ қысымы 40,0 кПа. Егер осы температурада газ көлемі 2 л болса, онда қысым қандай болады? 8. Қалыпты қысымда (101,325 кПа) газ көлемі 100,0 л болады. Егер температура өзгеріссіз қалса, онда газды 20 л дейін қысу үшін қанша қысым қажет? 9. Гей-Люссак заңын пайдаланып келесі есепті шешіңіз. 27°С кезінде газ көлемі 1200 мл тең. Егер қысым өзгеріссіз қалса, 102°С кезінде газ көлемі қанша болады? 10. 27°С кезінде көлем 2,34 л. 327°С және қысым өзгеріссіз болған кезде осы газдың көлемі қанша болады? 11. Қалыпты жағдайда (0°С, 101,325 кПа) газ көлемі 453 мл. Қысым 202,650 кПа және 100°С кезінді газ көлемі қаншаға тең болады? 12. Қысым 1,000 кПа және температура 80 °С болған кезде 2,000 мл идеалды газ құрамында қанша молекула болады? Бұл есепті шешу қандай заңға негізделеді? Осы заңңын тұжырымдамасын беріңіздер. 13. Егер газдың 380 мл көлемі 27°С температурада және 102,658 кПа қысымда массасы 0,5 г болса, онда газдың салыстырмалы молекулалық массасын есептеңіз. 14. Ауадағы азоттың және оттегінің парциалды қысымын есептеңдер. (Ауадағы азот мөлшері - 78%, ал оттегінікі - 21%). Газдардың парциалды қысымын есептеу қандай заңға негізделген? 15. Егер су бетінде 27°С температурада және 99,962 кПа қысымда жиналған 0,57 г газ көлемі 0,5 л болса, оның салыстырмалы молекулалық массасын анықтаңдар. 16. CH4 (―161°C) ―SiH4 (―112°C) ―GeH4 (―88°C) ―SnH4 (―52°C) және HF (19.5°C) ― HCl (―85.1°C) ― HBr (―66.8°C) ―HI (―35.8°C) қатары үшін температураның р-элементтің период нөміріне тәуелділігінің графигін құрыңдар. жүктеу/скачать 2,71 Mb. Достарыңызбен бөлісу:
|