Тәжірибелік маңыздылығы. Енді Қазақстан, Ресей, Белорусь елдері арасында бірыңғай кеден тарифы жүреді. Қазақстан үшін осы елдер арқылы өз өнімін сыртқа шығаруда жеңілдіктер болатыны сөзсіз дейді мамандар. Кеден одағының тиімді қызметі шетелдік инвестицияға да тартымды болмақ. Кедендік одақ шеңберінде бірегей кедендік тарифтер қолдану, басқа елдерге бірегей кедендік саясат ұстану шаралары жүзеге аса бастайды. Бұның барлығы экономикалық ықпалдастыққа жол аша отырып, Кеден одағы аясында тауар айналымдары үшін әкімшілік кедергілерді жоя түсетін болады. Кеден одағы аясында ішкі кедендік бақылау алып тасталады. Мамандар Кедендік Одақ азық-түлік бағасының өсуіне еш әсер етпейді дейді. Кеден саласы қазіргі таңда ерекше назарда, себебі, Кедендік Одақ құрылуына байланысты кедендік заңдарға бірнеше өзгерістер мен толықтыруларды енгізу қажет.
