Кештің тақырыбы: «ТӘУЕЛСІЗДІК-ҚАСИЕТ ТҰНҒАН ҰЛЫ ҰҒЫМ»
1 - жүргізуші:Армысыздар, құрметті ұстаздар, оқушылар және қадірменді қонақтар! Бүгінгі Тәуелсіздігіміздің 26 жылдығына арналған «ТӘУЕЛСІЗДІК-ҚАСИЕТ ТҰНҒАН ҰЛЫ ҰҒЫМ» атты мерекелік кешімізге қош келдіңіздер!
2 - жүргізуші:Алаштың азаттығына, туған мемлекетіміздің Тәуелсіздігіне - 26 жыл. Осынау мәртебесі биік, ардақты да аяулы күнмен баршаңызды шын жүректен құттықтаймыз!
1 - жүргізуші: Ел аман, жұрт тыныш болып, аспан астындағы Алаштың азаттығы жасай берсін!
2 - жүргізуші:Тәуелсіздік - ең басты құндылығымыз.
Барша қазақстандықтар үшін Тәуелсіздіктің мәні де, маңызы да айрықша. Өткен күндерге шегініс жасар болсақ, дүниені дүр сілкіндірген, Тәуелсіздік туын алғаш көтерген әйгілі 1986 жылдың желтоқсаны туралы шындықты білмейтін жан жоқ десе болады.
