Вениямин Франклин деген даңқты білім иесі, Америка жұртының кісісі, он сегіздегі жас күнінде, Медера деген қаланың бір қарт адамына қонақ болып, шығар уақытта қарт ішкі бір есіктен шығарып салуға алып келіпті. Франклин бұл кісіге келе жатып, алдында не барын аңғармай, есікке жақындағанда қарт дауыстапты: - Еңкей, еңкей, - деп.
Сүйдегенше болмай, есік аласа екен, маңдайшасына Франклин маңдайымен тарс ете түсіпті. Сонда қарт күліп айтты дейді:
- Бұл кішкентай реніш сізге екіншіде ақыл болар; ұмытпағайсың, сен жассың, өмірің алдыңда, басыңды тым жоғары ұстамай, төмен иіңкіреп жүрсең, мұнан да артық неше соққылардан құтыларсың.
Бұл сөзді Франклин сексен жасқа келгенше ұмытпай, әрдайым айтушы еді:
Сол қарттың ақылы маған көп пайда болды және көзіммен көрдім, басын жоғары көтерген тәкәппарлардың нешеуінің әлек болғанын, - дейді.
Бұл әңгімеден қандай ғибрат алдыңыз?
Франклин неге «еңкей» деді?
Қарт қандай ақыл айтты?
Ол дұрыс па?
Тәкаппарлық туралы сіз қандай пікірдесіз?
Сіз жүрген ортада тәкаппар адам бар ма?
Жағымды және жағымсыз мінез-құлық туралы мысал келтіре әңгімелеңіз.
ӨЗІН-ӨЗІ ТЕКСЕРУГЕ АРНАЛҒАН ТАПСЫРМА ТЕСТ
– бірдеңенің болуын анықтау, оның заттай және ақшалай тұлғада өлшенуі, сандық және сапалық жағынантіркелуі.
А. Қолхат Ә. Өтініш Б. Есеп
В. Баяндама Г. Өмірбаян
Сделать доклад сөзінің қазақша баламасы :
А. Баяндама жазу Ә. Баяндама жасау Б. Баяндама оқу
В. Баяндама әкелу Г. Баяндама тапсыру
