Кәсіптік білім беру ұйымдарының о блыстық оқу-әдістемелік кабинеті «шешендік өнер әліппесі»

Психологиялық дайындық

Күн жарығын алақанға саламын

Жүрегіме басып ұстай қаламын

Ізгі әрі нәзік, жарық, мейірімді,

Болып кетер сонда дереу жан - жағым!

Мұғалім оқушылармен шеңбер құрып, бір – біріне жақсы тілектерін айтады.

• 
  Ендеше балалар, бүгінгі сабағымызды бастамас бұрын сіздерді түгендеп алайын.
  

• 
  Оқушыларға бүгінгі сабақтың тақырыбы мен мақсаты айтылып өтіледі.
  
• 
  Әрбір мәтінді біздер еркін түрде әңгімелеуіміз керек.
  

Балықтар және олардың тіршілігі туралы әңгімелеп көрейік. Төменде екі түрлі әңгіме берілген. Оған қосымша деректерді кітапханадан немесе интернеттен жинастыр. Бәрін де мұқият оқы.

Ең кішкентай балықтардың көлемі бір сантиметрден аспайды, ол көбінесе аквариумда өсірілетін балықтар. Ұзындығы жиырма метрге де жететін балықтар болады. Ал олардың салмағы бір жарым грамнан он екі он төрт тоннаға дейін жетеді.

Балықтардың дені желбезекпен тыныс алады. Дегенмен, ауамен тыныс алуға бейім түрлері де кездеседі. Бір екі жыл тіршілік ететін балықтар да болады. Жүз жасайтындары да бар.

Балық адам ағзасы үшін өте пайдалы. Балықтың еті мен уылдырығы ғана емес, кей түрлерінің терісі де пайдаланылады. Олардан балықтың майы алынады.

• 
  Ең басты мақсат тыңдаушыңды қызықтыру. Сол себептен бәрін алдын - ала ойластыру керек. Алған мағлұматтарыңды пайдаланып, балықтар туралы әңгімеңе жоспарыңды жаз.
  
• 
  Әңгімең кімді қызықтырды? Әңгімеңді тыңдаушылар бағаласын.
  

Мектепке ауызша сабақтан берілген тапсырманы жаттап алмай, түсінгеніңді өз ойыңмен айтуға дағдылан. Айнаға қарап дайындық жасап көр. Сөйлеп тұрғаныңда өзіңе - өзің ұнайсың ба? Тұрысың, қимылың, бет әлпетіңнің қимылы көңіліңнен шыға ма? Ұнамаса, өзіңді дұрыс ұстауға дайында.