Рецепт. Рецептің жазылу және босатылу ережелері

1.Денсаулық сақтау ұйымдарындағы медициналық қызметкерлер рецепті арнайы типографиялық бланкта көрсетілген медициналық көрсеткіштеріне сәйкес жазады.

Рецепті рецепт жазған медициналық қызметкердің қолы және жеке мөрімен куәландырады.

2. Кейбір категориядағы науқастарға дәрі-дәрмектерді тегін немесе жеңілдікпен босату үшін қосымша сол емдеу мекемесінің бас дәрігерінің қолы мен жеке мөрімен куәландырылады.

3. ҚР рұқсат етілмеген және тіркелмеген дәрі-дәрмектерге рецепт жазылмайды.

4. Рецепте науқастың жасы мен дәрілік заттың құрамына кіретін ингридиенттердің әсер ету сипаты ескеріледі.

5. Тегін және жеңілдікпен босатылатын дәрі-дәрмектерге жазылатын рецептің мазмұны мен нөмірі науқастың амбулаториялық картасына жазылады. Рецепт бланкілерін арнайы есепке алу кітабына тіркейді.

6. Рецепт түсінікті, анық, барлық бағандары міндетті түрде толық толтырылып, латын тілінде жазылады. Рецепті түзетуге рұқсат етілмейді.

7. Рецепте негізгі қысқартуларды қолданып жазуға рұқсат етіледі.

8. Дәрілік заттың қолдану тәсілі, оны қабылдау жиілігі, мөлшері мен ұзақтығы мемлекеттік немесе ұлтаралық қатынас тілінде жазылады. Жалпы көрсеткішпен («Белгіле», «ішке», «Сыртқа») жазуға болмайды.

9. Бір рецептуралық бланкіде бір ғана дәрі жазылады.

10. Денсаулық сақтау ұйымдарында стационарлық көмек (ингаляциялық наркозға арналған дәрілерге, миорелаксанттарға және т.б.) беруде қолданылатын дәрі-дәрмекке рецепт жазуға рұқсат етілмейді......

18. Дәрілік затқа жазылған рецептің жарамды мерзімдері:

1) тегін немесе жеңілдікпен босатылатын – 1 ай

2) есірткі, психотропты заттар мен прекурсорлары бар рецепт- 10 күн

3) қалғандары – 2 ай

19. Рецептің жарамды мерзімі өткеннен соң, жарамсыз деп саналады.

20. Рецептерді жою үшін құрамына ұйым жетекшісі мен дәріхананың материалдық жауапты қызметкерінен тұратын арнайы комиссия құрылады. Комиссия рецептерді жою туралы акт жазылып, онда жойылған рецептердің саны сөзбен көрсетіледі.