Негізгі рецептуралық қысқартулар

1.емдеу- алдын алу мекемесінің штампы.

2.рецептің жазылған күні (күні, айы, жылы);

3. балаға немесе ересекке екені,

4.науқастың тегі, аты-жөні, жасы,

5.дәрігердің тегі, аты-жөні көрсетіледі.

1. дәрігердің фармацевтке жазған үндеуі латын тілінде Recipe: (Rp.:), яғни «Ал»: сөзімен басталып, дәрілік түрдің атауы, дәрілік заттың атауы мен оның мөлшері ілік септігінің жекеше түрінде (кейде табыс септігінде) жазылады.

2. Егер науқастың жағдайы ауыр болса және тез арада дәрілік көмек көрсету қажет болса, онда дәрігер рецептің жоғарғы оң бұрышына «Cito!», “Statim!”, «Citissime!» (тез!, өте тез!, жылдам!) белгісін қояды..

3. 
   Соңынан D.S. (Босат. Белгіле.) сөзімен латын бөлімі аяқталып, сигнатурасы мемлекеттік немесе ұлтаралық қатынас тілінде (науқастың түсінікті тілінде) жазылады: 1) мөлшерін (1 ұнтақтан, 1 таблеткадан, т.с.с.) 2) дәрі-дәрмектерді қабылдау уақытын (күніне неше рет, тамақтан бұрын, тамақтан соң және т.с.с.), 3) препараттың қабылдау тәсілі (күре тамырға, тері астына және т.с.с.)
   
4. 
   Дәрігердің қолы мен мөрі қойылуы тиіс.
   

Дәрілік заттардың мөлшері ондық өлшеу жүйесіндегі цифрлармен граммда көрсетіледі:

рецепте	оқылуы
1,0	1 грамм немесе 1000 мг
0,1	1 дециграмм немесе 100 мг
0,01	1 сантиграмм немесе 10 мг
0,001	1 милиграмм
0,0001	1 децимиллиграмм немесе 0,1 мг
0,00001	1 сантимиллиграмм немесе 0,01 мг
0,000001	1 микрограмм немесе 0,001 мг

Рецепте грамм сөзі жазылмайды.

• 
  Сұйық дәрілік заттар миллилитрде, граммда немесе тамшыда көрсетіледі. Тамшыларды рим санымен (gtts.) мысалы gtts.V (бес тамшы) деп белгіленеді. Әсері бірлікпен мөлшерленетін дәрілік заттардың көлемі (мөлшерін) ӘБ деп белгіленеді.
  
• 
  Егер рецепте негіздің мөлшері көрсетілмесе, онда қажетті мөлшерге дейін (quantum satis) деп жазылады, яғни индиферентті (қосымша) заттарды қажетті мөлшерге дейін қосыңыз дегенді білдіреді.
  
• 
  Егер дәрілік заттардың мөлшері бірдей болса, онда санын бір рет бірдей (аā немесе ana) етіп алыңыз деп соңғы атаудан соң көрсетеді.