Беткей және терең сезімталдықты зерттеу: Беткей сезімталдықты тексеру:
Жанасу сезімі. Алдымен науқасқа зерттеу әдісі мен мақсатын айтып түсіндіреді. Зерттеу мақсатында мақта немесе жұмсақ шашақты таяқша пайдаланылады. Зерттелушіден көзін жұмып отыруды сұрайды. Содан кейін симметриялы түрде дене терісінің әр бөлігіне мақтаны тигізеді. Зерттелуші тітіркендіргішті сезген сәтте “иә” немесе “жоқ” деп жауап береді.
Температураны сезу. Науқасқа зерттеу әдісі мен мақсаты түсіндіріледі. Ыстық пен суықты сезуді анықтау мақсатында екі шыны түтік (пробирка) пайдаланылады. Бірінші түтікте қызуы 40 градус ыстық су, екінші түтікте 20 градус суық суды теріге жанастыру арқылы. Кезекпен көзі жұмылған зерттелушінің терісіне тигізіп, “суық” не “ыстық” екенін ажыратуды сұрайды.
Ауру сезімі.Науқасқа зерттеудің әдісі мен мақсатын түсіндіреді. Ауру сезімін анықтау үшін түйреуіш пайдаланылады. Әдетте ауру сезімін анықтау жанасу сезімін анықтаумен қатар жүреді. Көзі жұмулы тұрған зерттелуші тітіркендіргішке “өткір” немесе “жұмсақ” деп жауап береді.
