Көкпекті аудандық кітапханасында Семей полигонының жабылуына
25 жыл толуына арналған тарихи кеш
2016 жылы 24 тамыз күні Көкпекті аудандық кітапханасында Семей полигонының жабылуына арналып тарихи кеш өтті. Кеш Қазақстан Республикасының әнұранымен басталады.
Кеш барысында тақырыптық слайдта Қазақ жеріндегі осындай адам төзгісіз алапатты тоқтатып, тажалды тізгіндеуде аянбай еңбек еткен тұлғалар бар. 1991 жылдың 29 тамызында Президент Н. Ә. Назарбаев Семей полигонын жабу туралы Жарлыққа қол қойды. Бұл - Тәуелсіздік ала сала қазақ елі қабылдаған алғашқы маңызды шешімдердің бірі болғаны көрсетілді.
Іс-шараның мақсаты:
Оқырмандарға Семей өңірінде жүргізілген ядролық сынақ және оның зардаптары туралы мәліметтер беру. Қоршаған ортаның ластануы тіршілік иелеріне өте зиян келтіретінін айтып, келешекке табиғат тағдыры өз қолдарында екені туралы толық түсініктер беру. Кітапхана қызметкері Бақыт Рсымбетова өз баяндамасында Семей полигонын жабуға күш салған Н. Ә. Назарбаев, О. Сүлейменов, К. Бозтаев, Х. Матаев, Н. Сабильянов, М. Аймақов сынды қоғам қайраткерлері турлы айтып, олардың өнегелі өмірлерін үлгі етуге шақырды.
Семей ядролық сынағына қарсы алғаш бастама көтерген тұлға, К. Бозтаевтың «Семей полигоны», «Қайнар қасіреті» кітабтарына шолу жасалды. Іс-шараға қатысқан оқушылар полигон қасіретіне арналған өлең- жырлардан үзінділер оқыды.Шара соңында « Семей қасіреті» атты деректі фильм қатысушылар назарына ұсынылды
 
Достарыңызбен бөлісу: |
