Пәндік тестілеудің қорытындысы

Пәндік тестілеудің орташа көрсеткіші жинауға мүмкін ең жоғарғы 1000 балдан 522 балды құрады.

Пәндік тестілеу бойынша ең жоғары балл жинаған үміткер – Джаксигалиева Карина Аманкызы (876 баллов).

Пәндік тестілеу бойынша ең төмен балл жинаған үміткер Аблаев Фархат Лұқпанұлы (195 балл).

Қазақ тілінде оқитын оқушылардың барлық пәндер бойынша тест қорытындылары, қазақ тілі пәнін санамағанда, орыс тілінде оқитын оқушылардың нәтижелерімен салыстырғанда төмен. Математика бойынша орташа балл қазақ тілді сыныптарда 153 балл, орыс тілді сыныптарда - 168 балл; қазақ тілді сыныптарда ағылшын тілі – 76 балл, орыс тілді сыныптарда -99 балл.

Қабілеттілік тест нәтижелері:

Қабілеттілік тестісінен 134 мүмкін жоғары балдан 54 балл жиналды.

Қабілеттілік тест бойынша ең жоғары балл жинаған үміткер Олжасұлы Сержан (113 балл).

Қабілеттілік тест бойынша ең төмен балл жинаған үміткер Хабиболла Абзал Ғадылжанұлы (17 балл).

3. 
   Виртуалдық және каникулярлық мектеп
   

Жобалардың мақсаты – 5,6-сынып оқушыларының жаратылыстану-математика ғылымдарын игеру қабілеттерін арттыру және Зияткерлік мектептерде оқуға дайындау.

• 
  Виртуалды мектеп
  

Виртауалды мектеп жобасын сәтті аяқтаған Атырау қаласы мен облысының жалпы білім беретін мектептерінің 6-сынып оқушылары үшін 2015 жылдың 21-26 желтоқсаны аралығында, ал 5-сынып оқушылары үшін 2016 жылдың 30 мамыр-4 маусым аралығында Каникулярлық мектеп жобасы ұйымдастырылды.

Виртуалды мектепке тіркелушілердің ерекше белсенділігін байқауға болады. Алайда, тіркелуші оқушылардың тапсырмаларды уақытылы әрі сапалы орындау жауапкершіліктері жоғары деп айтуға келмейді. Математика, қазақ тілі, орыс тілі , ағылшын тілі пәндері бойынша оқушылар білімінің сапалық көрсеткіштері төмен, сондықтан да Каникулярлық мектепке іріктелгендер саны аз.

Кесте. 2015-2016 оқу жылындағы

Каникулярлық мектеп оқушыларының саны

Каникулярлық мектепке қатысушылар саны (5-сынып)	Каникулярлық мектепке қатысушылар саны (6-сынып)	Барлығы
57	101	158

Жасалған жұмыстардың нәтижесінде:

• 
  Каникулярлық мектепте 5-6 сыныптың 158 баласы қамтылды;
  
• 
  «Виртуалды мектептің» 22 қатынасушысы мектепке қабылданды;
  
• 
  «Каникулярлық мектептің» 71 қатынасушысы мектепке қабылданды.
  

4. 
   Кіріктірілген білім беру бағдарламасын ендіру
   

Мектептің әдістемелік бірлестіктерінде КББ енгізуді қолдау бойынша үйлестірушілер анықталды. Оқу жылы барысында олар оқу бағдарламасы мен оқу жоспарлары бойынша жаңадан келген мұғалімдер үшін оқу семинарларын, оқытудың белсенді тәсілдері бойынша тренингтер ұйымдастырды, кері байланыс беріп сабақтарын бақылады, енгізіліп жатқан оқу бағдарламалар бойынша және өзгертулерді топтастыру мен құжаттарды қайта қарастыру үшін жоспарлар бойынша сұрақтарды, комментарийлер мен ұсыныстарды жинады.

• 
  Пән бойынша оқу бағдарламасының ерекшеліктері және 7, 10-сыныптарда оқу үдерісін ұйымдастыру;
  
• 
  Пәнді командалық оқыту әдісінің және CLIL тәсілінің ерекшеліктері;
  
• 
  Мұғалім іс-әрекетін жоспарлау және оқушылардың жетістіктерін бағалау құралы нәтижесі ретіндегі оқытудың мақсаттары;
  
• 
  Сабақтарда АКТ-ны тиімді қолдану;
  
• 
  Формативті бағалау және оқушылардың ынтасын дамыту.
  

• 
  «Формативті бағалау сапалы білім берудің маңызды құралы ретінде» (тіл пәндерінің мұғалімдері) – 5-10 қазан, 2015 ж.
  
• 
  «Физика, математика, информатика және өнер пәндерін оқыту кезінде оқушылардың функционалды сауаттылығын дамыту» – 2-7 қараша, 2015 ж.
  
• 
  «Жобалық-зерттеу қызметі – жүйелік-әрекеттік тәсілдің бір түрі» (химия және биология пәндерінің мұғалімдері) – 16-21 қараша, 2015 ж.
  
• 
  «Тарихқа құрмет, ұрпаққа міндет» (тарих, география, ЖПЖЖ, экономика) – 19-23 қаңтар, 2016 ж.
  
• 
  «Формативті бағалау – оқытудың тиімділігін арттыру тәсілі ретінде» (дене пәні мен алғашқы әскери дайындық мұғалімдері) – 1-5 ақпан, 2016 ж.
  
• 
  «Мәңгілік ел» – 30 қараша-15 желтоқсан, 2015 ж.,
  
• 
  «Оқыту мен білім беруді ұйымдастырудағы кіріктірілген тәсіл» – 29 ақпан - 4 наурыз 2016 ж.
  

Назарбаев Зияткерлік мектептерінде Кіріктірілген білім беру бағдарламасын енгізу бойынша жүргізілген мониторинг нәтижелері бойынша ұсыныстар:

5. 
   Оқушылардың үлгерімі және білім сапасы
   

Оқушылар оқу жылын келесі көрсеткіштермен аяқтады:

• 
  «үздік» - 150 (22 %);
  
• 
  «жақсы» - 492 (72,8 %);
  
• 
  «қанағаттанарлық» - 8 (1,2%);
  

Диаграмма

2015-2016 оқу жылында 12-сыныпты 182 оқушы аяқтады.

Қорытынды аттестация келесі міндетті пәндер бойынша: ана тілі, екінші тіл, ҚӘҚ, математика, және таңдау бойынша келесі бір пәннен: физика, химия, биология, информатика, экономика, географиядан өтті.

Мектептің 62 оқушысы биологияны, 142-сі химияны, 101-і физиканы, 59-ы информатиканы, 57-сі географияны таңдады.

Қорытынды аттестация келесі міндетті пәндер бойынша: ана тілі, екінші тіл, ағылшын тілі, математика, және таңдау бойынша келесі бір пәннен: физика, химия, биология, информатикадан өтті.

Мектептің 34 оқушысы биологияны, 86-сы химияны, 52-сі физиканы, 7-уі информатиканы таңдады.

Негізгі мектеп түлектері 98% білім сапасын көрсетті.

6. 
   Оқу үдерісінің эвалюациясы
   

Сондықтан 2015-2016 оқу жылында білім беру сапасының пәнді Кіріктірілген оқыту бағдарламасының талаптарына сәйкестігін, мұғалімдердің тәжірибесі және кездесетін қиыншалылықтары туралы дербес ақпарат алып, әдістемелік жұмыстың бағыттарын, стратегиясын, жоспарын, бағдарламаларын белгілеу барысында қолдану үшін туындаған қиындықтарына, тәжірибе деңгейлеріне қатысты статистикалық зерттеу жүргізу мақсатында білім беру үдерісінің эвалюациясы жүргізілді.

Әр оқу тоқсанында оқушылар үлгерімінің сандық және сапалық көрсеткіштерін талдау жүргізіліп отырды.

Зерттеулер келесі тақырыптар бойынша жүргізілді:

• 
  10-сыныптардағы сыныптық-жалпылама бақылау қорытындылары туралы;
  
• 
  10 және 12-сыныптарда өтетін сыртқы жиынтық бағалауға дайындық туралы;
  
• 
  7-сыныптарда КБКМ-ін жүзеге асыру мәселелері;
  
• 
  Оқу мезгіліндегі балалар жарақаттануының алдын алу («Дене тәрбиесі» пәні);
  
• 
  Жаңа оқу жылына кабинеттердің дайындығы туралы;
  
• 
  Математика пәнінің жүргізілуі;
  
• 
  «Дүние жүзі тарихы» пәнінің жүргізілуін тексеру барысы туралы;
  
• 
  Кіріктірілген білім беру бағдарламасы шеңберінде оқушылардың зерттеу қабілеттерің шыңдалуы.
  

Жалпы мына мәселелер атап өтілді:

1. 
   Оқушылармен жүргізілетін жұмыстарды түрлендіру: дебаттар, сыни ойлау стратегиялары, сұрақ қою барысында Блум таксономиясын қолдану және т.б.;
   
2. 
   Дифференциацияны пайдалана отырып, сабақтарда оқушылармен жүргізілетін жұмыстардың белсенді түрлерін қолдану;
   
3. 
   Бағалау түрлерін жетілдіру және тілдік мақсаттарды ұстану;
   
4. 
   Оқушылардың зерттеу қызметін дамытуға бағытталған технологияларды белсенді пайдалану;
   
5. 
   Оқушылардың жеке ерекшеліктерін және жеке қасиеттерін есепке алу, мәселелерді пәнаралық байланыспен шешу;
   
6. 
   Үй тапсырмаларының біркелкі деңгейін анықтау және үй тапсырмаларын орындауда оқушылардың жүйелі-әдістемелік кешеннің «Өз бетінше оқу» модулін қолдана алуына ықпал ету.
   

7. 
   Элективті курстар
   

Элективті курстар әрбір оқушы білім беру мазмұнының элементтерін өз қабілеттеріне, қызығушылықтарына, өмірлік жоспарларына сәйкес таңдауына ықпал ететін жеке білім беру бағдарламаларын құруға қажетті ең маңызды құрал болып табылады.

Элективті курстар екі түрге бөлінеді: ішкі және сыртқы.

2015-2016 оқу жылының оқу-жұмыс жоспарын жүзеге асыру барысында келесі элективті курстар ұйымдастырылды:

Сыртқы элективті курстар әйгілі жетекші білім мен ғылым мекемелері базасында жүргізіледі. Курстардың тақырыптары айтарлықтай әртүрлі: оқушылардың дарындылығы мен кәсіпкерлік дағдыларын дамыту, жаратылыстану-математикалық циклдегі курстар, инженерлік дағдыларын дамыту, STEAM.

Кестеде 2015-2016 жылда өткен шетелдік кустардың тізімі келтірілген.

Оқушыларды іріктеу келесі критерийлер бойынша жүргізілді:

• 
  оқушының пәндік академиялық немесе шығармашылық қызығушылығы;
  
• 
  академиялық жетістіктері;
  
• 
  олимпиадалардағы, ғылыми жоба сайыстарындағы жетістіктері;
  
• 
  көшбасшылық қасиеттерінің көрінуі;
  
• 
  ағылшын тілін меңгеруі.
  

2015-2016 оқу жылында шетелде барлығы 5 элективті курс ұйымдастырылды. 7 оқушы қатысып, соның ішінде 6 «супер-оқушы» категориясындағы 8-9-сынып оқушылары (конкурстық іріктеу кезінде анықталған әдеттегіден тыс қабілеттіліктері бар оқушылар).

2. 
   БЕЙІНДІ – ЭКСПЕРИМЕНТАЛДЫ ҚЫЗМЕТ
   
   1. 
      Критериалды бағалау жүйесін енгізу
      

2015-2016 оқу жылында оқу үдерісін ұйымдастыру кезінде 7-12 сыныптарда Критериалды бағалаудың кіріктірілген моделі (ары қарай – КБКМ) қолданылды. 2015-2016 оқу жылының жоспарын жүзеге асыру барысында Критериалды бағалаудың кіріктірілген моделін енгізу аясында жүргізілген шаралар:

2015-2016 оқу жылында Action Research жобасының аясындағы жұмыстар жалғасын тапты, іс-әрекеттегі тәжірибені зерттеу бойынша орыс және қазақ тілінде екі топ өз жұмысын бастады. Критериалды бағалау мәселелері бойынша келесі мұғалімдер зерттеулер жүргізді: Исмагулова А. Н., Ким Е.Г., Тлеулесова А.Н. химия пәні мұғалімі А.Н. Тлеулесованың жұмысы Ақтау қаласындағы Назарбаев Зияткерлік мектебі базасында өткізілген Зерттеушілердің аймақтық форумына қатысуға ұсынылды

Педагогикалық кеңес: «Сапалы оқытудың өзекті аспектісі ретіндегі формативті бағалау»;

Тіл пәндері мұғалімдері үшін тренингтер: «Тыңдау, жазу, сөйлеу, оқу дағдылары бойынша формативті бағалау тәсілдерін стандарттау»;

Химия, биология, физика пәндер мұғалімдері үшін тренингтер: «КХЕК талаптары бойынша лабораториялық жұмыстарды бағалау»;

КБКМ енгізу сұрақтары бойынша жаңадан келген және жас мұғалімдерге арналаған КБКМ үйлестірушілерінің консультациялық қолдауы.

Критериалды бағалау үдерісін тиімді ұйымдастыру үшін қажетті оқу-әдістемелік ресурстарды дайындау

Барлық пәндер бойынша ФБ жинақтарының базасы құрылды.

Sk.nis.edu.kz сайтында Ішкі суммативті бағалау үшін тапсырмаларды құрастыру мен сараптау бойынша жұмыс атқарылды.

Ата – аналармен жұмыс

«Критериалды бағалаудың кіріктірілген моделі» бойынша 7-сынып оқушылары ата-аналарының жиналысы;

2. 
   Кәсіптік бағдар
   

Кәсіптік бағдар беру қызметінің басты бағыттары:

1. 
   Кіріспе-диагностикалық. 10-12-сынып оқушылары үшін мамандық таңдауда туындайтын қиыншылықтарды зерттеу үшін кураторлық-психологиялық қызметтің жұмыс жүйесін қалыптастыру. 7-9 сынып оқушыларының кәсіптік бейімділіктері бойынша ақпарат алу үшін диагностика жүргізу.
   
2. 
   Ақпараттық. 11-12-сынып оқушыларының шамамен таңдаған мамандықтары бойынша консультациялар беру, әңгімелесу, ЖОО-нан қажетті ақпарат алуға көмектесу.
   

3. 
   Кәсіптік ағарту. «Ақылды бейсенбі» жобасы аясында әртүрлі мамандық иелерімен кездесулер ұйымдастыру. Қала және облыс мекемелеріне сапарға шығу.
   

Бірінші жартыжылдықта 10-сынып оқушыларының бейінді пәндерді таңдауына байланысты кездесулер жүргізілді. Психологиялық қызметпен бірлесе жүргізілген бұл кездесулерде мамандықты таңдаудың маңыздылығы, мамандықты қалай дұрыс таңдау керектігі, сонымен қатар қандай пәнді таңдағанда қандай мамандыққа болашақта түсе алатындығы туралы айтылды. Сол сияқты 12-сынып оқушыларымен мамандық және жоғары оқу орындары жайында жеке кездесулер өтті. Оқушылардың мамандыққа қызығушылықтарын жандандыру үшін 10-сынып оқушыларының қатысуымен мамандықтар туралы «Мамандық деген не?» атты бейне ролик түсірілді. (https://www.youtube.com/watch?v=NV53lO2JGjs).

Сондай-ақ, қандай пәндер қандай мамандықтарға жетелейтіндіктерін көруге болатын ментальды карта құрастырылды,.

Екінші жартыжылдықта 9-сынып оқушылары арасында оқушылардың жеке адам тұрпатының типін зерттеуге арналған Холланд тесттері жүргізілді. Зерттеу аяқталған соң оқушылар өз бағыттарына сәйкес топтарға бөлінді.

5-16 сәуір арасында «Менім қалам» жобасы іске асты, мұнда балалар өз қалаларын тұрғызып, плакатқа суретін салу керек болды. 16 сәуір күні бейінді-тәжірибелік жұмыс бойынша директор орынбасары, психологтар, кәсіби бағдар беруші және өзін-өзі тану мұғалімдерінің қатысуымен болған шарада оқушылар өздерінің жобаларын қорғады.

Оқу жылы басында 8-10-сыныптардың оқушылары және бірнеше мұғалімдерден құралған Мансап орталығы ашылды. Мансап орталығымен бірлесіп «Мамандықтар жәрмеңкесі» және «Кәсіптік бағдарлау апталығы» шаралары өткізілді. Олар ақпаратқа толы болғандықтан оқушылар үшін пайдалы болды.

Өткен жылғы диагностикадан байқалғандай, Атырау қаласының НЗМ-де қоғамдық-гуманитарлық және әскери-спорттық циклге қарағанда кәсіптік бейімділіктердің техникалық бағытталуы айқын көрініп тұр. Осыған байланысты, оқушылармен ғылыми-зерттеушілік жұмысты жүргізу үшін физика, химия, биология, математика әдістемелік бірлестіктерімен бірлескен жұмысты реттеу қажет. Бұл оқушыларды өз кәсібін анықтауға көмектеседі.

Екінші кезең – ақпараттық ағарту. Бүкіл жыл бойы оқушылармен психологтардың және кәсіптік бағдар берушінің қатысуымен жеке және толық сыныппен кездесулер жүргізілді.

Биылғы жылы оқушылардың медицинаға қызығушылығы зор болды. Осы салада жұмыс атқаратын 12-сынып оқушыларының ата-аналары шақырылды. Кездесу барысында ата-аналар дәрігерлердің бүгінгі таңдағы барлық мүмкіндіктері жайлы әңгіме айтты.

15.01.16, 23.01.16 «Ренессанс» қонақ үйінде әлемнің 36 мемлекеттің 115 оқу орындарының және Қазақстан Республикасының ең табысты оқу орындарының білім беру бағдарламасының Халықаралық көрмесі өтті.

Жыл барысында университет өкілдерімен көп кездесулер жүргізілді. Олар оқуға түсу үдерісі мен университет атынан грант алу мүмкіншіліктері жайында айтты. Осындай кездесулердің біріне Нархоз Университетінің ректоры Кшиштоф Рыбиньски қатысты. Кездесу «Материалды қалай жаттау керек» тақырыбымен TЕDx форматында өтті. Оқушылар емтихандарға дайындалып жүргендіктен, кездесу өте орынды және пайдалы болды.

Осы жылы Атырау қаласындағы химия-биология бағытындағы Назарбаев Зияткерлік мектебін 182 түлек аяқтап шықты. Олардың басты мақсаты – Қазақстанның ең беделді оқу орны Назарбаев Университетіне түсу. 2015 жылдың 24 қарашасында мектептің акт залында бітіруші сыныптар Назарбаев Университеті өкілдерімен кездесті. Биыл Назарбаев Университеті атынан 4 профессор келді. Әрқайсысы өз факультетін таныстырды. НУ-не түсу 3 кезеңнен тұрады. Барлық үш кезең біздің мектеп базасында өтті. Мектеп атынан 90 оқушы тіркелді, конкурстық іріктеуден 20 оқушы өтті. Бұл 22%-ды құрады. Іріктеуден өткен оқушы санының аз болу себебі үміткер оқушылардың NUFYP емтиханын тапсыруда төмен деңгей көрсетуі болды. Конкурстық іріктеуден өткендердің арасындағы орташа көрсеткіш бойынша мүмкін болатын 240 балдың ішінен 134 балды құрады. Себептерін анықтау кезінде оқушылар ағылшын тілінен тапсырмаларды, ғылыми терминдерді аударуда қиыншылықтарға тап болғандығы және уақыт тапшылығы анықталды.

Мамандықтарды, еңбек нарығының талаптарын, кәсіби білім алудың мүмкін болатын жолдарын зерттеу аясында Қазақстан Республикасының жоғары оқу орындарының ҚБТУ, КИМЭП, СДУ, ЕҰУ, АЛМА, Ақпараттық технологиялар университеті, Назарбаев Университет, сонымен қатар Пермь Мемлекеттік ұлттық зерттеу университеті мен Анталия халықаралық университетінің өкілдерімен кездесулер жүргізілді.

Rene education, Caspian training group, Capital education, Aktobe education advising center сияқты Астана, Алматы, Атырау, Ақтөбенің оқыту орталықтарымен кездесулер ұйымдастырылды. Орталық өкілдері шетелдік оқу орындарына түсу мүмкіндіктері жайында әңгіме қозғады.

Үшінші кезең – кәсіптік ағарту, «Ақылды бейсенбі» жобасы аясында әртүрлі мамандықтардың қызықты иелерімен кездесулер ұйымдастыру, қала және облыс мекемелеріне сапарға шығу қарастырылады. Атырау Қазақстанның мұнайлы өлкесі, мұнда мұнай компаниялар өте көп.

24.02.15 «Өндірістегі бір күн» жобасы аясында 10 «H» сынып оқушылары Шеврон компаниясының полиэтиленді трубалар және темір арқау құбыр жүргізу зауытына барып қайтты.

10 «С» оқушылары Тенгиз Шевройл компаниясының басты кеңсесіне барып қайтты. ТШО мұражайына экскурсия ұйымдастырылып, мұнайды алу және тазалау тәсілдері жайында толық мағлұмат берілді.

«Ақылды бейсенбі» жобасы аясында әртүрлі мамандық өкілдерімен 5 кездесу ұйымдастырылды:

• 
  ЖШС «Kpi inc» HR менеджері Жаншина Алмагүл Мұратқызымен;
  
• 
  ЖШС «Полимер Продакшн» комерция бөлімінің бас менеджері Алдияр Картпаймен;
  
• 
  Almaty Management University Президенті, Бизнес басқарудың Докторы (DBA), ҚР білім беру үздігі, "Құрмет" орденінің кавалері Кожахметов Асылбек Базарбайұлымен;
  
• 
  Нархоз Университетінің Ректоры, компьтерлік ғылымдардың магистрі, экономика саласындағы PhD Кшиштоф Рыбиньскимен;
  
• 
  ЖШС «Объединенная Химическая Компания» технологиялық даму Дирекциясының менеджері Кенжебаев Нурсултанмен.
  

2015 жылдың 27 мамырында «Баланы жұмысқа ал» жобасы Назарбаев Зияткерлік мектептерінің барлығында өтті. Оған 7-8 сыныптардың 239 оқушысы қатысты.

• 
  үлкен мекемелерде – 54
  
• 
  орта мекемелерде - 83
  
• 
  шағын бизнес мекемелерде -33
  
• 
  мемлекеттік мекемелерде - 66.
  

7 маусымда жазғы мектеп мезгілінде форум ұйымдастырылды, мұнда оқушылар өз жобаларын қорғады.

3. 
   ҒЫЛЫМИ – ӘДІСТЕМЕЛІК ҚЫЗМЕТ
   
   1. 
      Педагог кадрлар
      

Еңбек өтілдері бойынша мұғалімдер саны: «еңбек өтілі жоқ» – 4 (3,2%), «10 жылға дейінгі» –77 (61,6%), «11-ден 20 жылға дейінгі» – 21 (16,8%), «20-дан 30 жылға дейінгі» – 23 (18,4%), «31-ден 40 жылға дейінгі»м – 5 (4%), «41 және одан жоғары» – 0 (0%).

«30 жасқа дейінгі»-69 (55,2%), «31-ден 40 жасқа дейінгі»-23 (18,4%), «41-ден 50жасқа дейінгі»-23 (18,4%), «51-ден 58 жасқа дейінгі»-15 (12%), «59 жастан жоғары» – 0 (0%).

13 мұғалім Қазақстан Республикасы Білім және ғылым министрлігі марапаттарының иегерлері.

Олар:

• 
  «Ы.Алтынсарин» төсбелгісі - 1 (Каменова А.Т., қазақ тілі мен әдебиеті пәнінің мұғалімі;
  
• 
  «ҚР білім беру ісінің үздігі» төсбелгісі - 3 (Махмуда Б.Р., химия пәнінің мұғалімі, Сапанов С.Ж., директордың оқу ісі жөніндегі орынбасары, Адилгалиева Ж.С. математика пәнінің мұғалімі);
  
• 
  «ҚР білім беру ісінің құрметті қызметкері» - 2 (Исмагулова С.М., директордың БЭЖ жөніндегі орынбасары, Сапанов С.Ж.- директордың оқу ісі жөніндегі орынбасары);
  
• 
  «Білім беру ісіне қосқан үлесі үшін» медалі - 2 (Адилгалиева Ж.С. математика пәнінің мұғалімі, Ищанов Ж.З., тарих пәнінің мұғалімі);
  
• 
  ҚР Білім және ғылым министрлігінің «Құрмет грамотасы» – 5;
  
• 
  «Назарбаев Зияткерлік мектептері» ДББҰ-ның Алғыс хаты– 5.
  

2015-2016 оқу жылының қорытындысы бойынша 19 педагогикалық қызметкер аттестациядан өтіп, «мұғалім-модератор» педагогикалық шеберлік деңгейін иеленді.

Конкурстық іріктеу барысында «Назарбаев Зияткерлік мектептері» ДББҰ-ның құқықтық-нормативтік құжаттары басшылыққа алынды.

«Назарбаев Зияткерлік мектептері» ДББҰ филиалдарында педагогикалық қызметкерлер мен оларға теңестірілген тұлғалардың бос лауазымдарына Конкурстық іріктеу өткізу туралы Ережеге сәйкес:

1. 
   ДББҰ белгілеген ережеге сәйкес кандидаттар тетілеуден өткізіледі;
   
2. 
   Шығармашылық турдан өтеді (эссе);
   
3. 
   Конкурстық комиссия мүшелерімен сұхбаттасуға қатысады.
   

Қабылданған мұғалімдердің ішінде 2 мұғалім 3 (бастапқы) деңгейлік курс сертификатының иегерлері.

Конкурстық іріктеулердің қорытындысы бойынша 18 педагогикалық қызметкер кадрлық резервке алынды.

Конкурстық іріктеу нәтижелерінің көрсеткіштері:

• 
  әр үшінші кандидат пәндік тесттің шектік деңгейіне жете алмайды;
  
• 
  тілдік құзіреттіліктері төмен;
  
• 
  АКТ қолдану мүмкіндіктері нашар;
  
• 
  педагогикалық дайындықтары аз.
  

Алдын ала белгіленген кезеңде педагог қызметкерлердің аттестациясы өткізілді. Комиссия отырысының белгіленген уақыты 28 қараша 2015 жыл.

Педагог қызметкерлерден барлығы 25 өтініш түсті. Бірінші кезеңде «Педагогикалық өлшеулер орталығы» ДББҰ-ның тәуелсіз эксперттерімен аттестатталушы педагог қызметкерлердің 25 аттестациялық тапсырмалары тексеріліп, бағаланды.

Екінші кезеңде аттестациялық комиссия мүшелері 25 өтініш берушіден 24 аттестатталушы педагогтің таныстырылымын тыңдады.

Екі кезең қорытындысы бойынша аттестациялық комиссия 19 мұғалімді өтініш білдірілген «мұғалім-модератор» педагогикалық шеберлік деңгейіне лайықты деп таныды. 6 мұғалім өтініш білдірілген «мұғалім-модератор» педагогикалық шеберлік деңгейіне лайықты емес деген шешім шығарды, негізгі себебі-ұпай жетіспеушілігі.

«2016 жылы Астана қ. Халықаралық мектебі және Назарбаев Зияткерлік мектептерінің педагог қызметкерлері мен оларға теңестірілген тұлғаларын аттестациялау туралы» 2016 жылғы 24 мамырдағы №206/ОД бұйрығы мен «Назарбаев Зияткерлік мектептері» ДББҰ Басқармасының 26 ақпан 2015 жылғы (хаттама № 7) шешімімен бекітілген «Назарбаев Зияткерлік мектептері» ДББҰ бөлімшелері педагогикалық қызметкерлері мен оларға теңестірілген тұлғаларын аттестациялау ережелеріне» сәйкес кезекті аттестация кезеңі 2016 жылдың 3-15 қазаны аралығына белгіленді.

2. 
   «Тәлімгерлік мектебінің» қызметі
   

Оқу жылының басында жаңадан қабылданған және жас мұғалімдерді, куратор мен тәрбиешілерді қатыстыра отырып, 19 менторлық жұп жасақталды.

Менторлық қызметке төмендегідей мұғалімдер саны қамтылды:

№	Әдістемелік бірлестік	Менторлық топтар саны	Өткізілген шаралардың саны (сабақтар, семинарлар, коучинг, кеңестер және т.б.)
1	Биология пәні мұғалімдерінің ӘБ	2	11
2	Физика ӘБ	1	20
3	Тарих, қазіргі заманғы қазақстан, өзін-өзі тану, экономика пәні мұғалімдерінің ӘБ	1	5
4	Ағылшын тілі пәні мұғалімдерінің ӘБ	4	17
5	Математика пәні мұғалімдерінің ӘБ	5	28
6	Информатика және өнер пәні мұғалімдерінің ӘБ	2	6
7	Кураторлық қызмет	1	4
8	Қосымша қызмет көрсету (тәрбиешілер)	3	46

Менторлық қызметті іске асыру мен сапасын жетілдіру, сондай-ақ мұғалімнің жеке қажеттілігі мен қиындықтарына негізгі басымдық беретін менторлық тәжірибе арқылы педагог қызметкерлердің кәсіби шеберлік деңгейін арттыру, жаңашыл талантты педагогтерді қолдау мақсатында 2016 жылы 15-26 ақпан аралығында бірінші рет «Педагогикалық дуэт» кәсіби шеберлік байқауы ұйымдастырылды.

Байқау Ережесіне сәйкес 14 менторлық жұп (ментор және менти) қатынасты. Олардың құрамында пән мұғалімдері, тәрбие блогы мен мектеп жанындағы жатақхана қызметкерлері болды.

Ұпай көрсеткіштеріне сәйкес ІІІ орынды Шайхиева Н.Ш. мен А.А.Дюсенгалиевтің жұбы (математика пәні) иеленді. Екі ІІ орын математика пәнінің мұғалімдері Ж.С.Адилгалиева мен А.О.Дильмагамбетовке, сондай-ақ педагог-куратор Н.Рахметуллина мен З.Кумарованың жұптарына берілді. Қазылар алқасының шешімімен бірінші жүлделі орын үшін ешбір жұп лайықты деп танылған жоқ.

3. 
   Мұғалімдердің кәсіби дамуы
   

• 
  Кәсіби желілік қауымдастықтар қызметі іске асырылды: «Оқушылардың оқу жетістіктерін критериалды бағалау», «Оқушы дарындылығын дамыту», «Сыни ойлау» қауымдастықтары (мұғалімдердің 56% қамтыған, барлығы 70 мұғалім). Аталған желілік қауымдастықтар қызметі cpm.kz порталы арқылы мектеп ішінде, НЗМ және жалпы білім беретін мектептер ауқымында мұғалімдерге өзара байланысуға мүмкіндік береді. Сонымен қатар бұл желілік қауымдастықтардың Facebook сайтында ақпараттық парақшалары ашылған.
  
• 
  Аттестация талаптарына негізделе отырып, педагог қызметкерлердің кәсіби дамуының диагостикалық картасы жасақталды.
  

• 
  19 менторлық жұпты қамтитын «Менторлық мектеп» қызметі іске асырылуда.
  

• 
  Кәсіби даму апталықтары арқылы педагогтердің кәсіби өсуі ынталандырылады. Оқу жылы ішінде төмендегідей кәсіби даму апталықтары ұйымдастырылды:
  

- «Физика, математика, информатика және өнер пәндерін оқытуда оқушылардың функционалдық сауаттылығын дамыту» - 2-7 қараша, 2015 жыл.

- «Жобалық-зерттеушілік іс-әрекет – жүйелі-әрекеттік тәсілдің бір формасы» (химия-биология пәнінің мұғалімдері) - 16-21 қараша, 2015 жыл.

- «Тарихқа құрмет, ұрпаққа міндет» (тарих, география, ГППР, экономика пәні мұғалімдері) - 19-23 қаңтар, 2016 жыл

• 
  Кіріктірілген білім беру апталықтары арқылы мұғалімдердің оқу мен оқытуда жүйелі-әрекеттік тәсілді іске асыру дайындықтары ұйымдастырылды:
  

• 
  «Мәңгілік ел» - 30 қараша - 15 желтоқсан, 2015 жыл;
  
• 
  «Оқу мен оқытудың кіріктірілген тәсілі» - 29 ақпан - 4 наурыз 2016 жыл.
  

• 
  Педагог қызметкерлердің аттестациясы - жеке және кәсіби дамуының үздіксіз жүру процесі. 25 өтініш берушінің 19-ы уақытынан бұрын аттестациядан («мұғалім-модераторлық») сәтті өте алды.
  
• 
  Педагогикалық қызметкерлердің 100% қамтылуымен 19 шығармашылық лаборатория жұмысы жүргізілді. Шығармашылық топтарға сертификатталған тренерлер, 1,2 деңгей бағдарламалары бойынша курстардан өткен мұғалімдер мен модераторлар жетекшілік етті. Олар: «Оқушы дарындылығын арттыру» - 55, «PISA халықаралық зерттеуіне дайындық құзіреттіліктерін дамыту» - 8, «Тест тапсырмаларын құрастыру технологиясы(CITO)» - 14, «Сыни ойлау» - 7.
  
• 
  Тең дәрежедегілердің бір-бірінен үйрену курстары бойынша оқу 12 шығармашылық лабораторияда жүргізілді: «Оқу мен оқытудағы жаңа әдіс-тәсілдер» - 11, «Оқытудың белсенді әдістері» - 12, «Мұғалімнің зерттеушілік тәжірибесі: сабақты зерттеу және іс-әрекеттегі зерттеу» - 28, «Педагогикалық рефлексия» - 10, «Оқытуда АКТ технологияларын қолдану» - 16. 122 мұғалім Moodle платформасында желілік байланыс жүргізеді.
  

• 
  ҚР педагог қызметкерлерінің біліктілігін арттырудың деңгейлік бағдарламасы аясында 123 педагогикалық қызметкер курстан өткізілді (1 деңгей- 21, 2 деңгей –14, 3 деңгей - 88).
  

Біліктілікті арттыру курстарының нәтижесінде 12 мұғалім сертификатталған тренер атанды.

Олардың ішінде, 1 - ҚР жалпы білім беретін мекеме басшыларының біліктілігін арттыру бағдарламасы бойынша, 3 - «Оқушы дарындылығын дамыту» бағдарламасы бойынша, 2-деңгейлік бағдарламалар бойынша, 2 – тест тапсырмаларын құрастыру бойынша CITO, 1 – PISA-ға дайындық , 3 - «Білім беру мазмұнын жаңарту» курсы (тілдік) бойынша сертификатталды.

2015-2016 оқу жылында Action Research жобасы аясындағы жұмыстар да өз жалғасын тапты. Оқу жылы ішінде қазақ және орыс тілдерінде 2 іс-әрекеттегі зерттеу тобы жұмыс жасады. Жыл ішінде шығармашылық лаборатория жұмысына түрлі пәндер бойынша 29 мұғалім, 2 тренер барлығы 31 адам жұмылдырылды.

Оқу жылының соңында «Іс-әрекеттегі тәжірибені зерттеу» жинағы шығарылды. Жинаққа келесі мұғалімдердің жұмыстары енгізілді: Аблаева К.К., Каратаева А.М., Тулкибаева Г.Ж., Мухамбетгалиева А.С., Тлеулесова А.Н., Бейсенбекова Г.С., Косанов Р.П. Шығармашылық лаборатория жұмысы тақырыптық күнтізбелік жоспар бойынша жүргізілді.

Шығармашылық лабораториялар жұмысының мұғалімдер үшін тиімділігі:

• 
  Сыныпта, оқыту барысында анықталған проблеманы зерттеуге ынталандырады;
  
• 
  Оқыту тәжірибесін арттыру үшін оқушылардың білім сапасын арттыруға мүдделі;
  
• 
  Зерттеу жоспарын құруды, мәселелерді шешу жолдарын айқындауды, сондай-ақ оқу мен оқытудың әр кезеңінен кейін рефлексия жүргізуді үйренді;
  
• 
  Әріптестер арасындағы өзара көмек арқылы тәжірибе алмасу;
  
• 
  Біліктілігін көтеру аттестациясына дайындық.
  

«Іс-әрекеттегі зерттеу» шығармашылық лабораториясының координаторлары Бейсенбкова Г.С., Косанов Р.П. және «Lesson Study» шығармашылық лабораториясының координаторы Бурханова Д.С., мұғалімдер Тлеулесова А. мен Жубанова Н.Ж. Ақтау қаласындағы НЗМ базасында ұйымдастырылатын зерттеушілердің аймақтық форумына қатынасуға ұсынылды. Форумға Астана, Актөбе, Орал, Қызыл-Орда, Атырау қалаларындағы Назарбаев Зияткерлік мектептері мен Астана IB мұғалімдері қатынасты. Біздің әріптестеріміз тақырыптық шеберлік сыныбын көрсетті, пленарлық мәжілісте Lesson Study және Action Research кіріктіру тәсілдері туралы баяндама жасады, зерттеулер нәтижесі бойынша постерлер ұсынды.

2015 жылдың мамыр айында 125 мұғалім Қазтест сынағынан өтті, 70 мұғалім өз деңгейлері бойынша сертификат иеленді.

APTIS нәтижесі бойынша да мұғалімдердің тілдік құзіреттіліктерінің артқандығы көрінеді. Ағылшын тілін орта және жетік деңгейде меңгерген мұғалімдер үлесі тестке жалпы қатысушылардың 24%-ын құрады. Ал бастауыш және қарапайым деңгейдегі мұғалімдер саны 93 адамды құрайды.

Бүгінгі күні мектепте 8 үштілді мұғалім жұмыс жасайды.

Мұғалімдердің АКТ құзіреттіліктерін арттыру шеңберінде Атырау қаласындағы ХББ НЗМ-де 2015 жылдың маусым айында АКТ тест өткізіліп, оған 74 мұғалім қатынасты.

4. 
   
   Каталог: Atyrau -> portal -> wp-content -> uploads -> 2018
   Atyrau -> Гимназияның қалыптасу кезеңдері
   Atyrau -> Оқу жылының қорытындысы
   Atyrau -> Облыстық дарынды балаларға арналған ұлттық гимназияда 2011-2012 оқу жылындағы дене тәрбиесі пәнінің берілісі жөнінде есеб і
   Atyrau -> «Тілім, дінім, тарихым бар еркіндікпен есілген, Қазақ елі, асқақтай бер ұлы достық көшімен» гуманитарлық пәндер апталығының өтуі туралы
   Atyrau -> «Жер Ана- ортақ үйіміз, табиғат- тылсым жұмбағы. Табиғатыңды тарту ет, аман бол Жердің құндағы!» Жаратылыстану ғылымдарына арналған
   Atyrau -> «Тексерілді» «Бекітемін» Облыстық дарынды балаларға
   Atyrau -> 2011-2015 жылдарға арналған Атырау қаласының Аумақтық даму бағдарламасын іске асырылуы туралы есеп
   2018 -> Конкурстық іріктеу Виртуалды және каникулярлық мектеп
   
   
   
   жүктеу/скачать 1,65 Mb.
   
   Достарыңызбен бөлісу: